Popular Bible Verses from Revalesoni 7

Share

Beto asa si doṉo la si rau, meke dogoria rau si keke vinarigara lavata, sapu lopu boka ta nae. Mae guadi koari doduru hopehopeke butubutu, na popoa, meke pa ninae vinekala, meke turu dia pa kenuna sa ṉati habotuana Baṉara, meke pa kenuna sa Lami. Pokopoko keoro gele doduru si arini, meke taṉini dia pa limadi sari na kava huda pamu, pude va lavatia si Asa.

Meke velavela va ululae guahe si arini: “Sa Tinaharupu si mae guana koasa nada Tamasa, sapu habotu koasa ṉati habotuana Baṉara, meke mae guana koasa Lami!” gua.

Ura sa Lami sapu koa pa kokorapana sa ṉati habotuana Baṉara, si kaqu kopu ni si arini, guana dia sepati. Meke kote turaṉa lani Sa si arini koari na bukahana sa kolo tinoa, meke lopu kote kabo na talotaṉa si arini.”

Gua asa ke turu pa kenuna sa ṉati habotuana Baṉara te Tamasa si arini, meke nabulu nia si Asa rane na boṉi pa Nana Zelepade. Meke kote koa turaṉi Sa si arini meke va aqori na kopu ni Sa. Lopu kaqu ovia pule si arini, lopu kaqu memeha pule. Lopu kaqu ṉada i na rimata, babe ta sigiti nia sa maṉini.

Meke zama sa mateana: “Mi lopu va kaleania sa pepeso, meke sa lamana, meke sari na huda, osolae ta tokoro paki nia tu rina nabulu pa raedi sa vina gilagila tanisa nada Tamasa,” gua. Meke avosia rau sa ninaedi ri pu ta tokoro nia sa vina gilagila te Tamasa pa raedi, sapu ari ka keke gogoto made ṉavulu made tina tie, saripu mae guadi koari ka manege rua butubutu Izireli.