Popular Bible Verses from Revalesoni 6

Share

Meke doṉo la si rau, meke dogoria rau si keke hose sapu doṉo guana tata matena. Meke sa pozana sa tie sapu koi koasa si na Minate, meke luli tata pa mudina si keke sapu ta pozae, popoa tadi na tie matedi. Meke ta vala koarini sa ṉiniraṉira pude di va matea si keke koari ka made pinaqahana sa butubutu tie pa kasia popoa koasa varipera, na soṉe, na oza, meke na kurukuru pinomodi, gua.

Meke doṉo la si rau meke dogoria rau si keke hose keoro. Meke koi nana koasa si keke tie pu taṉinia nana si keke bokala, meke ta vala koasa si keke toropae baṉara. Meke vura taloa si asa, guana tie varane sapu koa va mataqara pa vinaripera.

Meke sipu va maluaria sa Lami sa tokoro vina lima, si dogori rau pa kauruna sa hope sari na maqomaqodi rina tie pu tava mate, sina tozi vura nia rini sa zinama te Tamasa, meke helahelae nia rini sa dia rinaṉeraṉe koe Zisu.

Meke velavela va ululae guahe si arini: “Ke Baṉara, Agoi pu tagoi sari doduru ṉiniraṉira; hopemu meke hinokara si Goi! Ve seunae gua meke kote va kilasi Goi sari na tie pa kasia popoa, saripu va mate gami si gami, pude hobei sari na ehara mami?” gua. Meke hopeke ta poni poko gele doduru sapu keoro si arini, meke ta tozi nia rini si pude aqa va ṉoṉo si arini, osolae kote tava mate beto sari na nabulu turaṉadia, na tasidia koe Karisito saripu vizati sa Tamasa pude tava mate gua puta tugo arini, gua.

Meke vura mae gana si keke hose ziṉara. Meke ta vala koasa tie pu koi pa hose sa ṉiniraṉira pude vagi pania sa binule koasa popoa pepeso, pude di variva matematei gedi sari na tie. Meke ta vala koasa si keke magu varipera lavata, meke taluarae la si asa.

Ura ele kamo mo he sa rane kaleana tanisa dia binugoro. Meke namu loke tie si kote boka govete nia sa vina kilasa sana,” gua sarini.

Meke korapa doṉo la si rau sipu va maluaria sa Lami sa tokoro vina onomo, si kamo si keke niu ṉiṉirana hola pa popoa pepeso, meke ta ilirae muho sa rimata, meke ta ilirae ziṉara guana ehara sa sidara. Meke hoqa gore pa pepeso sari na pinopino pa maṉauru, guana vua piqi  d kubolodi, saripu nolo totoso hiru goreni na givusu ṉiburu.

Meke sipu va maluaria sa Lami sa tokoro vina ṉeta, si avosia rau sa kurukuru toana vina ṉeta sapu zama: “Vura mae!” gua. Ke doṉo la si rau, meke dogoria rau si keke hose mumuho; sa tie sapu koi koasa si taṉinia nana pa limana si keke sikele. Meke avosia rau si keke mamalaiṉi sapu mae pa vari korapadia ri ka made kurukuru toadi, sapu zama: “Sage hola sa hinolu ginani, keke kilo palava huiti mo si padana sa tinabara pa keke rane, meke gua tugo sa tinabara koari ka ṉeta kilo palava bale. Ba mu lopu ṉoṉovalia sa oela meke sa vaeni sapu koa pa inuma!” gua.

Podalae pa keke kalina, meke kamo pa keke kalina si hola taloa sa maṉauru guana pepa sapu ta viqusuna, meke sari doduru toqere na nunusa si tava rizu pa dia kokoana. Beto asa si govete meke koa tome pa bae, na qoqoro patu koari na toqere sari na baṉarana sa popoa pepeso, na tie arilaedi, na tie tagotagodi, na tie pu tago ṉiniraṉira, meke sari doduru pinausu, meke saripu lopu na pinausu.