Popular Bible Verses from Sam 32

Share

Zama se Zihova, “Kaqu totoli nigo na va tumatumae nigo Rau sa siraṉa sapu leana pude lulia goi, kaqu kopu totoko nigo Rau.

Agoi si na qua aqoroana, kaqu va sare au Goi pa tinasuna. Kera va ululae nia rau sa Mua tinaharupu, sina aqoro si rau koa Goi!

Ke tiqe helahelae atu ni rau koa Goi sari na qua sinea, meke lopu tomei rau koa Goi sari na qua tinavete kaleadi. Vizatia rau si pude helahelae atu ni koa Goi si arini, meke ele taleoso ni Goi sari doduru qua sinea.

Tamanae tugo si asa sapu taleosae sari nana hahanana kaleadi, meke tava murimuri koe Zihova sari nana sinea.

Tamanae tugo sa tie sapu lopu ta zutu koe Zihova koari nana kinaleadi, meke loke sinekesekei pa maqomaqona.

Gua asa ke sari na Mua tie madidi si madi varavara atu koa Goi pa totoso tasuna. Ke pana be raza mae sa tinasuna pu guana naqe, ba lopu kamo koarini.