Popular Bible Verses from Sam 31

Share

Mi koa va ṉiṉira na varane, gamu doduru pu raṉea se Zihova.

Sari na qua totoso si koa pa Limamu Agoi. Mu va sare au pa limadi rina qua kana, meke koarini pu hadu luli au pude va mate au.

Kei, nake sokudi hola sari na Mua lineana, saripu va nama veko ni Goi koarini pu pamaṉa Nigo! Gilana betoa ri doduru tie sa Mua tataru, meke gua sapu ele kopu guni ni Goi sarini pu kalavarae koa Goi.

Ba kalavarae si rau koa Goi Zihova, Agoi mo sa qua Tamasa.

Uve, Agoi sina qua patu, na bara heheda. Mu turaṉau gua sapu ele va tatara nau Goi.

Pa limamu Goi si luara vatu nia rau sa qua tinoa. Kei Zihova, Mu harupau Goi si rau, Tamasa ta ronuemu.

Mi tataru nia se Zihova, gamu doduru Nana tie raṉeraṉe! Ura va sarei e Zihova sarini pu raṉe zoṉazoṉa ia, ba va kilasi Sa saripu vahesi puleni.

Kei Zihova, koa Goi mo si kalavarae si rau; Mu lopu vala pani au koari na qua kana pude tava kilasa. Ba Mu harupau, ura na Tamasa toṉoto si Goi.