Popular Bible Verses from Sam 18

Share

Zihova tugo si na qua patu aqoroana. Koa tome koa Sa si rau, ke loke kana si boka ṉoṉovalau. Asa si na qua vinasare, na qua Tamasa, na qua patu heheda. Koa Sa si aqorae si rau, na qua lave, na ṉiniraṉira meke sa ṉatina sa qua tinaharupu!

E Tamasa si toleṉe gua toṉotodi sari Nana tinavete; ta ronu hola sari Nana zinama! Guana lave si Asa koa ri doduru pu tome koa Sa.

Tepa tinokae si rau koe Zihova, sapu garona pude tava lavata, meke harupau Sa koari na qua kana.

Pa korapa qua tinasuna si tepa la si rau koe Zihova. Tepaia rau sa tinokae koa sa qua Tamasa, pa korapana sa Nana Zelepade si avosia Sa sa mamalaiṉiqu, meke sa qua kinabo si ele avosia Sa.

Kei Zihova, va toa ekoa Goi sa qua kalalasa, ke Tamasa, va kalalasa ia Goi sa qua hinuporo.

Asa mo sa Tamasa sapu va ṉiṉira au, toka nau Sa pa siraṉa gotogotona.

Toana se Zihova! Mani tava lavata sa qua patu aqoroana! Maqu vahesia sa Tamasa, sa qua hinarupu!