Popular Bible Verses from Sam 143

Share

Mu va tumatumae nau gua pude evaṉia sa Mua hiniva, ura Agoi mo sa qua Tamasa! Sa Maqomaqo leana Tamugoi si mani turaṉau pa siraṉa vasina kaqu tava sare nia rau.

Maqu va avosia pana munumunu sa Mua tataru nabuna, ura koa Goi mo si kalavarae rau. Mu va dogoro nau sa siraṉa sapu garo pude la ia rau, ura koa Goi mo si varavara atu rau pa doduru qua tinoa.

Kei Zihova, Mu va sare au koari na qua kana, ura koa Goi mo si govete atu rau pude aqorae.

Koa gua sa guguamu Goi, Kei Zihova, Mu va sare au gua sapu ele va tatara nia Goi. Pa korapa Mua tinoṉoto si Mu va sare au pa tinasuna.

Kei Zihova, Mu avoso mae ia sa qua tinepatepa! Gua sapu ele tozia Goi pa Mua Zinama, Mu olaṉau pa Mua tinoṉoto!

Kei Zihova, Mu tuturei olaṉa mae au, ura ele nunala hola si rau! Mu lopu va paere pule Nigo koa rau; be lopu gua si kote mate palae si rau pa popoa tadi na tie matedi.

Lopu muliṉi ni rau sari na totoso pukerane. Balabala sisigiti i rau sari doduru gua pu ele evaṉi Goi. Balabala la i rau sari doduru Mua tinavete.