Popular Bible Verses from Matiu 21

Share

Be va hinokara si gamu si kote boka vagia mo gua sapu tepa ia gamu pa vinaravara,” gua se Zisu.

Meke olaṉa la koa rini se Zisu, “Maqu tozi va hinokarani gamu sapu guahe,” gua si Asa. “Be va hinokara si gamu meke lopu nunala pa mia rinaṉeraṉe, si kote boka evaṉia mo gamu gua sapu evaṉia Rau koasa huda hie. Meke lopu asa mo, ba boka zama ia mo gamu sa toqere hie. ‘Mu ta ovulae sage, mamu hoqa la pa lamana,’ gua, meke kote ta evaṉa mo si asa.

Sari na puku vinarigara lavata si ene pa kenuna meke pa mudina Zisu, meke velavela guahe si arini: “Hozana koasa Tuna Devita! Tamanae si Asa sapu mae pa korapa pozana sa Baṉara. Mada vahesia sa Tamasa panaulu,” gua si arini.

Meke zama la koa ri doduru tie si Asa, “Guahe si koa koasa Kinubekubere Hope: ‘Sa Qua vetu si kote ta pozae na vetu varavara,’ ba tavete gunia gamu na bae tana tie hikohiko,” gua si Asa.

“Tozi ni sari na tiena sa popoa Zaione  d : Doṉo la, sa mia Baṉara si korapa mae koa gamu, va pepekae meke koi Nana pa keke tuna doṉ'ki.”

Meke zama la koa rini se Zisu, “Vea, lopu hite tiro ia tu gamu gua sapu zama nia sa Kinubekubere Hope? ‘Sa patu sapu kilua rina tie kuri vetu, si asa tugo si arilaena hola koari doduru patu. Sa tinavete te Tamasa hie si variva magasa hola tugo koa gita.’ ”

Meke zama pulei pule Zisu si arini, “Sa Binaṉara Maṉauru si kote ta vagi palae koa gamu, meke kote ta vala koa ri kaiqa tie pu boka va vura vua leanadi tanisa.