Popular Bible Verses from Aisea 30

Share

Be taliri la si gamu pa kali matao babe pa kali gede ba sari taliṉa mia si kote avosia mo si keke mamalaiṉi pa mudimia sapu zama guahe, “Hie tu sa siraṉa; mae ene gua tani.”

Gua ba okoro sisigiti nia e Zihova pude vata dogoro nia sa Nana tataru koa gamu; ke gasa turu si Asa pude va dogoro ni gamu sa Nana tataru variva tukana. Ura se Zihova si na Tamasa vilavilasa pa tinoṉoto. Tamanae sari doduru pu koa aqa koa Sa!

Ke hie si zama nia sa Baṉara Zihova, sa Tamasa Hopena pa Izireli: “Pana kekere pule mae mo gamu koa Rau, meke magogoso koa Rau si kote ta harupu si gamu, sa mia ṉiniraṉira si pa kinoa noso mo meke pa rinaṉeraṉe, ba lopu hiva tagoi gamu si arini.

Na bereti tinasuna tugo si vatu nia e Zihova meke na kolo tinasigiti, gua ba kamahire si lopu kote ta tome sari na mia tie va tumatumae; kote dogoroni mata mia soti gamu si arini.

Gamu na tiena sa popoa Zaione, pu koa pa Zerusalema, kote noso kabo si gamu. Na kote tataru hola si Asa pana kabo hata tinokae si gamu! Pana avoso gamu Sa si kote olaṉa mo si Asa.

Zama vura guahe se Zihova, “Madi talotaṉa sari koburu tasunadi, koa rini pu tavete vurani sari dia binalabala pu lopu Taqarau, pu tavete vinariva egoi sapu lopu goto pa Maqomaqoqu, meke vari tomotomoe ni sari dia sinea