Popular Bible Verses from Hiburu 3

Share

Ba mi variva ṉiṉirai doduru rane pa mia tinoa sipu korapa toa si gamu, pude loke tie gamu si tava ṉira sa bulona koasa kinaleana.

Kasa tasiqu koe Karisito, mi kopu puleni gamu, pude lopu keke koa gamu si va karia se Karisito, meke taluarae taloa koasa Tamasa toana.

Ura gita si somana tagoi sari na ginugua leadi te Karisito, be tuqe va nabu si gita koari na tiṉitoṉa pu ele va hinokari gita pa podalaena, meke osolae kamoa vinabetona.

si mi lopu va ṉiṉirai sari na bulomia, gua sapu tavetia rina tiatamamia pukerane, sipu va karia rini sa Tamasa, meke podekia rini si Asa pa soloso qega.

Ke gua asa, kasa tasiqu koe Karisito, gamu pu ele somana ta tioko koe Tamasa, si mi va sotoa sa mia rinaṉeraṉe koe Zisu Karisito, sapu ele garunu mae nia Tamasa pude na Ṉati Hiama Kenukenue, sapu va hinokaria gita.