Popular Bible Verses from Hiburu 2

Share

Meke pude boka toka ni Sa sarini pu ta toketoke, sina Asa ba ele ta toketoke na koa ta sigiti kekeṉoṉo gua tugo arini.

Gita doduru sapu ta pozae na koburu Tanisa, si na tie hokara mo. Ke gua asa, si mae ta evaṉae na tie gua tugo mo gita se Zisu, pude gua tu asa si kote boka mate si Asa, pude va kilasia Sa se Setani, sapu tagona sa ṉiniraṉira tanisa minate

Gua asa, ke kaqu kopu valeana si gita koari na vina tumatumae hinokaradi, pu ele avosi gita, pude mada lopu tapala taloa.

Gua asa ke garo tugo pude mae ta evaṉae na tie hokara se Zisu, pude pa doduru ginugua, si koa kekeṉoṉo gua tugo ri Nana tie, meke pude boka ta evaṉae na Ṉati Hiama  d kenukenue si Asa, meke pude na nabulu ta ronuena te Tamasa. Meke pa siraṉa gua asa si boka taleoso ni na vulasa pani Sa sari na sinea tadi na tie te Tamasa.

Ba dogoria nada se Zisu pa keke totoso papakana visoroihe si ele tava pepekae holani sari na mateana si Asa, meke koa gua mo na tie hokara, pude pa korapa tataru vari harupi te Tamasa, si mate pae ni Sa sari doduru tie. Kamahire si va baṉaria pa tinolava na vinalavata Tamasa si Asa, sina koa gua koa sa Nana tinasigiti na minate pa korosi.