Popular Bible Verses from Ekeliziasiti 8

Share

Ke arau va egoa sa kinoa qetuqetu, sina loketoṉa si leana pa tie pa kauruna sa rimata ba sapu hena, napo meke koa qetuqetu mo. Meke kote lulia qinetu si asa koari nana tinavete koari doduru rane pa nana tinoa pu ponia sa Tamasa pa kauruna sa rimata.

Na tie kaleana si kote boka tavete va sea keke gogoto totoso meke toa va gelenae nana, ba gilania rau sapu sarini pu pamaṉa nia sa Tamasa si kote bokaboka hola la tu.

Ura koa dia sari totoso gotodi meke hahanana tadi doduru ginugua, be vea mamata gua sari tinasuna tana tie.

Loke tie tagoa sa ṉiniraṉira pude lalae nia sa givusu; ke loke tie tugo tagoa sa ṉiniraṉira pude va nosoa sa nana rane mate. Gua sapu loke tie si tava malumu pude pule pa totoso varipera, sa kinaleana tugo ba lopu vata rupahi sarini pu tavetavete koasa.

Totoso lopu tuturei ta kilasa sa tie koasa kinaleana tavetia sa, si sari bulodi rina tie si siṉi na hiniva pude tavete va kaleana.

Koa nana pule sapu loke laena pa popoa pepeso: Sari na tie toṉoto sapu vagia sa vina kilasa tadi na tie kaleadi, meke sari na tie kaleadi sapu vagi sari na lineana tadi na tie toṉoto. Hie tugo si loke laena, guni nia arau.

Sina loke tie si tumae nia sa totoso vugo na repere, esei boka tozia sa si korapa mae?