Popular Bible Verses from Ekeliziasiti 7

Share

Lopu tuturei ta ṉaziri pa maqomaqomu, ura sa binugoro si koa ekona mo pa bulona sa tie pekipeki.

Pana leadi sari na totoso, si mu qetu; ba pana kaleadi sari na totoso, si balabala ia si hie: E Tamasa tu si tavete betoi sari karua. Gua ke sa tie si lopu boka tumae nia nasa si kote ta evaṉa pa kenuna sa.

Sa vina betona sa ginugua si leana hola nia sa pinodalaena, meke sa aqa va ṉoṉo si leana hola nia sa vinahesi pule.

Lopu keke tie toṉoto pa popoa pepeso si tavete va toṉoto meke loke nana sinea.

Ginilagilana lohina si guana vetu, gua tugo sa poata si guana vetu, ba sapu leana nia sa ginilagilana si hie: sa ginilagilana si kopu nia sa tinoa tanisa tie pu tagona.

Na pozapoza leana si hola nia sa lumu humaṉa lea, meke na rane mate si leana hola nia sa rane podo.

Leana si be avosia sa ginegese tanisa tie gilae hola nia si be avosi sari kinera tadi na tie pekipeki.

Leana si pude la pa vetu haqohaqoana hola nia si pude la inevaṉa pa keke vetu, ura na mate si na dudutana tadi doduru tie; arini pu korapa toa si pada pude kopu nia si hie pa bulodia.

Sa bulona sa tie giligilana si la koasa haqohaqoana, ba sa bulona sa tie pekipeki si hatai sari na tiṉitoṉa qetuqetu.