Popular Bible Verses from 2 Timote 2

Share

Mamu tavete valeania sa mua tinavete ninabulu, pude boka va qetua sa Tamasa. Guana nabulu sapu lopu kurekure nia sa nana tinavete, sina variva tumatumae va toṉoto nia goi sa zinama hinokara te Tamasa.

Ego, mu govete nia sa hahanana vinari riqihi tadi na tie vaqura. Mamu luli valeania sa tinoṉoto, na rinaṉeraṉe, na tataru, meke na binule; somanae koari na tie pu vahesia sa Baṉara pa bulo viana.

Sa nabulu tavetavete tanisa Baṉara, si lopu kote koa vari tokei si asa. Ba kaqu tataru ni sa sari doduru tie, meke na tie bokabokana, na ṉoṉo pa nana tinavete variva tumatumae si asa.

Be guana lopu koa raṉeraṉe si gita, ba lopu boka hobei Sa sari Nana zinama, sina lopu na tie kokoha si Asa.

Mani va tumatumae ni pa ṉinoṉo saripu lopu va egoa sa nana vina tumatumae hinokara. Sina hokara kote va malumi Tamasa si arini pude kekere, meke tiqe va hinokara.

Mu lopu somana ni sari na zinamazama duviduvilidi, na hoborodi, sina kote va ilolae taloa i rini koe Tamasa sari na tie.