Popular Bible Verses from Mateo 21

Share

Te ora na 'Teoso kitaka', te ati na fara te ati nima yama naboneke, Teoso ati ehene", ati nemarika.

Sesowi mera hiyaremarika. "Te ati boti e nabone teke ahi: 'Teoso kitaka', te ati nabone teke. Te ati e ni ya ahi, te ehene e nabone teke owehene nima, fiko onahabiha owa. Yama bara te hiri nabone teke bisa. Te ati e nabone teke ahi: 'Yati nemeha yana tinahabone tike, fara tiwa koro tifehabone tiwa ma ya', te ati nabone teke. Te ati e ni ya fara te ati nima yati naboneke. Keye amakere.

Me tamaha Sesowi nokosi ya me tai toha me one yoto namaroke he nowati ya, me tamaha mati. Me ha namaroke. "Tafi ka noti titamina tike. Teoso ati ehene tikehara tike. Teoso tiwa nofaka. Haha neme ka me winaha 'Teoso amosaka', me ati naboneke", me ati namaroke.

Ati yana nemarika. "Teoso ka yama hani ati e teha amake ahi: 'Oko yobe Teoso hihiyaramona me hinehiba amaka', yama hani ati te amake. Yama boboti me tabori Teoso ka yobe tohawaka te ehene", Sesowi ati nemarika.

"Te ati e naba teke ahi, Serosarei ka me ni ya: 'Te ka towisawa te awa ha. Kakehiba amaka ahi, someto ya yaka kanahari. Yahehi yaka kanaka someto biti ya,'" Teoso ati kakamina ati nematamonaka.

Sesowi ati yana nemarika. "Teoso ka yama hani te awatera ama, ati e naro ahi: 'Yobe me hiri na yati one me hinofara afa yati yobe ewene taiti tohineke waha. Teoso ati ehene amaka. Afa yama amosate amake mata ya e ni ya', yama hani ati te amake, Teoso ka yama hani".

"Makoni owati e nara oke ahi: Teoso ka towisawa tera nofamarehiba te amake. Me one ha neba amaka, bara mati, yama hinofa me hiri nabone mati.