Popular Bible Verses from Tiito 3

Share

Nẽẽthĩ, ma baa edeeꞌnyia tarbalꞌthẽẽt hĩ mĩnnan cĩ Nyekuc Ellioohit cĩnaac, ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ, ĩcĩ aaꞌnyeet haggatattĩ jurrung, hĩnĩngĩtĩ Ellioohit cĩnaac Yeesu Krĩstõ, hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.

Duhaak eet cugunnig hĩthĩhĩt thõõth ꞌcĩ aduha makayyiooha cĩg ꞌgaala, hiittiõõ hõllõngaa õjõthẽẽkĩ thõõth cĩnĩĩng. Aꞌnyĩĩk hũkũmattoothĩk nẽẽg hatĩ hĩdĩmanit thõõth ꞌcĩ abũnnaa hõdõõkõthĩ, duhaak anneek ma hongomĩttu ꞌgoonogu, ĩĩtõ tarbalĩg nẽ ummuktu ĩhõõggõ ĩĩcĩ oou, ma hathĩngõõnyannu hĩ eet vẽlẽk hõdõõkõthĩ.

Aitiõõ hõllõngaa abũnnaa ngaatĩ haruhõõnĩ hoti, hĩnĩngĩtĩ hõllõngaa eelleet jõrẽẽĩ nẽ ma hẽppẽhanoonnu ꞌthaarriok cĩg nyakangaaꞌnya cugguung baangaani, hode hegernyoonnu hode aruhoonnu thõõth cĩ nyattal cĩ Mũũꞌtha. Abathĩ thõõth ꞌcĩ hẽggẽrnyõõnĩ hode haruhõõnĩ hoti.

ꞌRioonĩk eet ꞌcĩg attiha jore tabattĩ ꞌramma, ma urutaa cĩnnĩ, ma nga hedecoothihi tarĩ.