Popular Bible Verses from Tiito 2

Share

Hĩnĩngĩtĩ eteretheeheet bũnnai cĩ Nyekuci ꞌgõõl ꞌcĩ eellianĩ eeta vẽlẽk bũnnaiitta cĩnnĩ. Allimanneet thõõth cĩ Nyekuci ꞌcĩ abũnnaa, hũtũbũrĩt thooꞌthiok ꞌcĩg ĩĩn ꞌriiring cĩg looc nicci nẽ huꞌthuutti eleeti cĩggaac hũnnẽẽc ꞌlimman cĩ Nyekuci dioo, hĩcĩ adiim nẽẽnĩ

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac. Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Nẽ nii buúk, ꞌrĩccana ngaatĩ ẽtẽrꞌthẽẽkĩ eet ꞌgõõl ꞌcĩ adĩmanĩĩ thõõth ꞌcĩ abũnnaa. ꞌLimman eet ꞌthĩnĩta dĩdĩ hĩ ꞌgõõlaa ꞌcĩ õkõmmĩ eeta. ꞌLimmaneek eet thõõth cĩ Nyekuci ꞌcĩ ĩĩn dĩdĩ jurrung, hátĩ hiittiõõ hõllõngaa ẽppẽhan eet umwaanĩ. Aꞌngaaõn hatĩ mĩrõha cugunnig, hĩnĩngĩtĩ aitiõõ thõõth ꞌcĩ abathĩ ꞌcĩ ammũda hĩ nganiit hode hĩ ngagĩĩt tõõ.