Popular Bible Verses from ꞌRooma 3

Share

hĩnĩngĩtĩ ẽꞌthẽcattõõ eeta vẽlẽk nẽ udhukta nẽẽg vẽlẽk, iittiõõ ẽẽtĩ ꞌcĩ ammũda bulẽẽnĩt cĩ Nyekuci tõõ, nẽ ikia õõgaeet Nyekuci ngagĩĩt vẽlẽk bũnnaiittaa cĩnnĩ, hĩnĩngĩtĩ elliaanĩt baa aku hĩ Yeesu Krĩstõ.

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta

Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng. Baa adĩman Nyekuci hoti, hátĩ hẽtẽrẽtha bũnnai cĩnnĩ kõr nicci noho nẽ uduha ĩĩ, ĩmmĩrĩt ꞌthẽccanniooha, hĩnĩngĩtĩ baa athĩhĩ Yeesu Nyekuc.

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

Hĩcĩ eheeddi ꞌBuuhaa cĩ Nyekuci aĩ, “Aitiõõ ẽẽtĩ ꞌcĩ abũnnaa tõõ, hiꞌthihi tananga hõdẽẽthõng haaga; Aitiõõ ẽẽtĩ ꞌcĩ aga Nyekuc jurrung tõõ, aitiõõ ẽẽtĩ ꞌcĩ adiim ĩnõõnnõ tõõ. Ũtũbũrĩt eeta vẽlẽk Nyekuc, nẽ iita abaꞌthiõõthĩ nẽẽg vẽlẽk; iittiõõ ẽẽtĩ ꞌcĩ nga adtican thõõth ꞌcĩ abũnnaa tõõ, hiꞌthihi hõdẽẽthõng haaga buúk.

Hĩnĩngĩtĩ haga naag ẽlẽmĩ Nyekuci eet, hĩnĩngĩtĩ lemiinit nẽ hõllõngaa ẽlẽmĩ, hĩnĩngĩtĩ anũ nyattal.

Aitiõõ ũdũt! Aꞌnyĩĩk Nyekuc hĩĩ dĩdĩ nẽ ĩĩtõ eeta vẽlẽk oloꞌngiaak. Hĩcĩ eheeddi ꞌBuuhaa cĩ Nyekuci aĩ, “Aga hatĩ eeta ngaatĩ aũlanĩ thõõth ꞌcĩ aduha niina, nẽ hatĩ ĩllõõanuu thõõth lokihoa.”