Popular Bible Verses from Terethiinit 7

Share

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.

Ẽggẽrẽny nẽẽg vẽlẽk aĩ, “Aku eliiniti vẽlẽk hĩ Nyekuc cĩnaac ꞌcĩ aaĩ dtaabawa ho nẽ aku hĩ Mĩꞌnyõõn.”

Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”

Ĩnõõ ꞌyioko cĩ, “Abĩllĩ nẽẽg muumaa cĩ dtaaba cĩ Nyekuci nẽ alaacõ ĩnõõnnõ baalin hĩ waathĩn ꞌCieetõõ cĩnnĩ ho. Nẽ ẽẽtĩ ꞌcĩ iccioloonganĩ dtaaba ho, ẽbbẽttaanĩk hatĩ nẽẽ cẽrẽm cĩnnĩ hubung ĩhõõggõ vẽlẽk. Iittiõõ hatĩ ĩhõõggõ hõllõngaa adak magĩthĩ tarĩ, hode aam kõrra tarĩ. Iittiõõ hatĩ kõrra ꞌcĩ nga atũũth ĩhõõggõ tarĩ tõõ.

“Ereeyyio da nõõ, ma hẽꞌthẽcannu looc hĩ bũlũc hĩ hẽẽna, ĩꞌthõng hamacaaratta muumti cĩg dticcianniook cĩg Nyekuci.” Ma nĩngaata, hikia hĩthĩha lothippit cĩ eet ꞌcĩg amacaaranni muumti ho. Ĩĩn nẽẽg vẽlẽk aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg eberriaa hattũũgẽtĩĩ cĩg eet cĩg Ĩꞌthĩraẽlĩ.