Popular Bible Verses from Terethiinit 16

Share

Ummuhuttooth thõõth baa aduha Yeesu aĩ, “Ma hikia naana, akuleeku hatĩ ꞌjieen, hanĩha hatĩ naa hĩ igorriaahiti! Aggatan hatĩ Nyekuci eet ꞌcĩ aaĩ dĩkĩĩm nẽ aꞌnyak cẽrẽm ẽlla, hátĩ hiittiõõ hõllõngaa õvvõ ngũtũtũũny nẽ aaꞌnyĩk ẽlẽ cĩnnĩ ngaaoni.”

Ma nĩngaata, ikia udduutik aajĩlõ ꞌcĩ ĩĩn tõrkõnõn lohilihili cĩnnĩ lĩĩlaa cobbi ĩĩcĩ Euvaratẽthĩ, nĩngĩtĩ õdõhõknĩ lĩĩl ciee, hĩĩ ꞌgõõl ꞌcĩ ovvooyyianĩ habuẽẽta ꞌcĩg au ĩĩcĩ uruto.

Nẽ loriẽẽta ꞌcĩg abathĩ ĩĩn iyyio ho, aꞌnyak ꞌtirrian ꞌcĩ adticanĩ thooꞌthiok ꞌcĩg ĩnaat eeta. Ma ho, õõt uduktaak habuẽẽt cĩg lootu vẽlẽk, hulutti ngaatĩ doyyii, hátĩ hõõt joraa cĩ kõr cobbi, ꞌcĩ hatĩ ẽttẽẽdĩ Nyekuci ꞌTirriannioohiti ꞌcĩ ĩllõõan vẽlẽk, thooꞌthiok, kõr ꞌcĩ decciaanĩt cĩ lootu.

Ma nĩngaata, hĩcĩna loriẽẽt iyyio ꞌcĩg abathĩ ꞌcĩg aattĩg hĩ lõkĩdõdõõknya. Adukna hõdẽĩ ũtũũgaa cĩ ꞌbuuk ꞌcĩ aꞌthĩlan ko nẽ uduhuna umwaa ũtũũgaa cĩ nyaharahaahõ nẽ tarĩ, uduhuna umwaa ũtũũgaa cĩ eet ꞌcĩ õõlõng aĩ, hĩĩnĩ põrõvẽtaac ko.

Baa atũũth abuurꞌthet cĩ korro ho, eet baag abathĩ hippiirria gẽrrẽẽt, nĩngĩtĩ accĩĩnĩ eeta ꞌthaar cĩg Nyekuc baa aꞌnyak makaaꞌthĩt cĩ ꞌthereeni ꞌcĩg abathĩ dtẽc ko. Nẽẽthĩ, baa aalla abũrĩ nẽẽg thõõth cĩ Nyekuci nẽ hõllõngaa abuluth ĩnõõnnõ buúk.

Ma nĩngaata ĩcĩĩdak aajĩlõ ꞌcĩ oou mooriꞌthiook ꞌcĩg aꞌnyak nẽẽ lohilihilaa cĩnnĩ ho eet loota nĩnga. Ma hĩdĩĩkoothong, ulubta carrahulita ꞌcĩg abathĩ nẽ ẽkẽdanit gẽrrẽẽt, eetinii cĩg eet ꞌcĩg aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ ho.

Alũta hatĩ loriẽẽta ꞌcĩg abathĩ ho habuẽẽt cĩg lootu hĩ ũũrũta cĩggĩĩng vẽlẽk ngaatĩ odoyyii, haĩ nĩngĩtĩho Ebereeiyyi, Aramageddon.