1
ꞌLuuka 6:38
ꞌBuuk cĩ Thõõth cĩ Nyekuci
Aanytĩk ꞌgoonogu ꞌbaaninit nẽẽthĩ hatĩ aaꞌnyĩhoothĩhuung ngagiit buúk. Má adĩmannu noho, au hatĩ ammũdaannu niig buúk ꞌbaaninit ꞌcĩ maka gẽrrẽẽt, ꞌcĩ abatan hĩ haala ꞌcĩg acĩĩdothoothĩk lohod hĩbbĩt hudduutti loota, hĩllõõan baa aaꞌnyiku niig ꞌgoonogu.”
Compare
Explore ꞌLuuka 6:38
2
ꞌLuuka 6:45
Adĩman eeta ꞌcĩg abũnnaa thooꞌthiok ꞌcĩg abũnnaa, hĩnĩngĩtĩ bũnnai ꞌcĩ aaĩ ꞌthinneetinii cĩggĩĩng nẽ adĩman eeta ꞌcĩg abathĩ thooꞌthiok ꞌcĩg abathĩ, hĩnĩngĩtĩ bathi ꞌcĩ aꞌnyak nẽẽg ꞌthinneetinii cĩggĩĩng. Hĩnĩngĩtĩ ẽtẽrꞌtha thooꞌthioha ꞌcĩg aduha ẽẽtĩ ꞌgii ꞌcĩ aaĩ ꞌthĩnĩtatõõ cĩnnĩ.”
Explore ꞌLuuka 6:45
3
ꞌLuuka 6:35
Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.
Explore ꞌLuuka 6:35
4
ꞌLuuka 6:36
Atamaattik ꞌgoonogu hĩcĩ ammaannikuung ngagiit Baangẽẽtĩ cunuung.”
Explore ꞌLuuka 6:36
5
ꞌLuuka 6:37
Ma nĩngaata, irrioonĩk Yeesu ĩhõõggõ tarĩ ĩĩnnĩk, “Ma hetteediku ꞌgoonogu thooꞌthiok, hátĩ hiittiõõ hõllõngaa etteedothoothĩkuung ngagiit buúk thooꞌthioha. Atamaattik ꞌgoonogu, hátĩ atammaattihoothĩk niig buúk.
Explore ꞌLuuka 6:37
6
ꞌLuuka 6:27-28
“Nẽẽthĩ, haduhaakuung ngagiit ꞌcĩg athĩknaangu nganĩĩt ko hanneekuung, ĩmmĩnanit mĩrõk cugguung. Ĩdĩmanit eet ꞌcĩg aaburreekuung ngagiit jurrung. Aggatanit eet ꞌcĩg accĩĩnnuung ngagiit nẽ alayyiooyyu eet ꞌcĩg adĩmannuung ngagiit ꞌbuth.
Explore ꞌLuuka 6:27-28
7
ꞌLuuka 6:31
Ĩdĩmatteek ꞌgoonogu thooꞌthiok ꞌcĩg occa adiimmu niig ĩhõõggõ hĩdĩmatteehuung ngagiita.
Explore ꞌLuuka 6:31
8
ꞌLuuka 6:29-30
Má atabaaꞌngi ẽẽtĩ umwaa mũũcĩc, aꞌnyĩĩk hatabaang ꞌcĩ gõlla buúk. Má adiim õkõõĩ ẽẽtĩ umwaa cẽrẽm cunni hõdẽĩ, aꞌnyĩĩk hũũhĩ umwa tarĩ. Ẽẽl eet ꞌcĩg alayyi nganiita nẽ má ũũhĩ ẽẽtĩ umwaa ꞌgii cunni, ma hadiimi hõbõdaakiina.
Explore ꞌLuuka 6:29-30
9
ꞌLuuka 6:43
“Aitiõõ hẽẽt ꞌcĩ abũnnaa hõllõngaa õddõngta ꞌgẽẽn ꞌcĩ abathĩ nẽ aitiõõ hẽẽt ꞌcĩ abathĩ hõllõngaa õddõngõta ꞌgẽẽn ꞌcĩ abũnnaa.
Explore ꞌLuuka 6:43
10
ꞌLuuka 6:44
Agayyi hẽẽt ꞌgẽẽnaa ꞌcĩ õddõngta nẽẽnĩ. Aitiõõ eeta hõllõngaa adũũca ꞌmũũnĩ hẽẽnĩĩ ꞌcĩg ĩĩn bĩlla, hode hẽẽn ꞌcĩg abbiiri cĩg viinoaak hẽẽnĩĩ ꞌcĩg ĩĩn bĩlla.
Explore ꞌLuuka 6:44
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos