Popular Bible Verses from ꞌJeemith 3

Share

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

Nganĩ hõrggẽẽnaa cunuung ꞌcĩ ẽggẽẽnyĩth nẽ aga hẽlẽggĩ vẽlẽk? Aꞌnyĩĩk hẽtẽrẽtha ꞌgẽẽnyĩth cĩnnĩ ho rũgẽtaa cĩnnĩ ĩĩcĩ abũnnaa, ngaatĩ hõllõngaa athĩngõõnyanĩ, hĩnĩngĩtĩ ẽggẽẽnyĩth nẽẽnĩ.

Ma irrioon eeta cĩg ganõõnaak ganõn, ammũda hatĩ nẽẽg bũnnai.

Má iinanõõ eeta nẽ ĩĩtõ muruꞌthiook, adĩman nẽẽg thooꞌthiok ꞌcĩg abathĩ ꞌcĩg mẽẽlĩg.

Hadĩhĩth naag Makayyioohit cĩnaac hĩ Baangeet ũtũũga nẽ tarĩ, haccĩĩnĩ ũtũg eet ꞌcĩg ẽhẽnytaa haauto hĩ Nyekuci ho buúk. Aku dĩhĩthẽẽnĩtĩ hĩ ꞌcĩĩnẽnĩt ũtũũga hõdẽẽthõng. ꞌGotoonoga hĩ ngoonoga, occa hõllõngaa aaĩ noho.

Aaĩ ũtũgĩ buúk hĩ ꞌgwaa, ĩĩn nẽẽ ꞌgii ꞌcĩ abathĩ ẽllaa cĩ eeto. Ẽꞌthẽcan nẽẽ ẽlẽ cĩ eeto hũtũrũũr, adhuheek rũgẽt cĩ eeto hũtũrũũr ꞌgwoyyiatõõ, nẽ ũtũũthĩ nẽẽ buúk ꞌgwoyyiaa ꞌcĩ aalla ũdũt.

Nẽẽthĩ hinnianĩ, aitiõõ ẽẽtĩ ꞌcĩ occa aꞌthũũnnĩ ahaat tõõ, ĩĩn nẽẽ ꞌgii ꞌcĩ hõllõngaa iyyioman nẽ abathĩ, abbĩꞌthĩĩ ahaat madõõtĩ ꞌcĩ aruk eeta.

ꞌGotoonoga hĩ ngoonoga, occa hõllõngaa au ĩĩgĩnnu niig vẽlẽk ꞌlimmanniook lothippitaa cĩ lemmioohu, hĩnĩngĩtĩ, naag ꞌcĩg hallimanna eet ko, etteedothoothĩkeet hatĩ thõõth ꞌgõõlaa ꞌcĩ õkõmĩ gẽrrẽẽt.