Popular Bible Verses from Ebereei 12

Share

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu. Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ahuci hõdõõkõthĩ hatĩ nga ilootteet eeta thõng. Má hillimanit ngaatĩ hathĩknĩ thõõth hatĩ nga ilootteet eeta, hadĩman hatĩ thõõth ꞌcĩ aũlanĩ nẽ haauto lõꞌngõõc.

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

Ummuhuttooth thõõth baa ẽmmẽẽꞌthĩ Yeesu doominit ꞌcĩ õdõõmĩ eeta ꞌcĩg ĩĩn ꞌthẽccanniook ĩnõõnnõ. Nẽẽthĩ, aitiõõ hõllõngaa hatĩ appĩĩrnannu nẽ ũtũngteehu lemiinit cunuung.

Hĩcĩ hummuddia naag habuccieet ꞌcĩ hõllõngaa õmmõõtĩ ho, hatalit nẽ hĩdĩhĩthĩt Nyekuc ngaatĩ halaĩ ĩnõõnnõ tẽẽlꞌthĩtaa ꞌcĩ ẽllẽẽmĩthĩ hĩ bulẽẽtta.

Etemeethit ꞌcannan haau hĩ tilooiniti, iloottuung Nyekuci ngagiit hĩ lohollia cĩgĩnnẽẽgĩ. Nganĩ occa gõõng ꞌcĩ nga hitilo maaꞌnyia?

Hĩnĩngĩtĩ, “Ĩĩn Nyekuci ꞌgwoo ꞌcĩ adũhan looc hĩĩ ꞌthĩĩ.”

Hĩnĩngĩtĩ ilootteet ngagĩĩt nyakangaaꞌnya loota nĩnga irkiꞌnyia ꞌcĩg abadtẽc haaga, ꞌgõõlaa ꞌcĩ aga nẽẽg aĩ mẽẽn. Nẽẽthĩ, abũnnaa hĩ ngagĩĩt hõdõõkõthĩ hatĩ ilootteet Nyekuci, hátĩ hotholit ꞌlẽẽmĩth cĩnnĩ.

Nẽẽthĩ, ꞌgõõlaa ꞌcĩ oꞌngonyoonnu niig kĩ ꞌthẽccanẽẽta, nga adaahit niiga.