Popular Bible Verses from Ebereei 11

Share

Aaꞌnyeet lemiiniti hagaac muhẽẽnĩt ꞌcĩ abũnnaa ꞌcĩ haꞌnyak naaga nẽ etereꞌtheet ꞌgii ꞌcĩ hõllõngaa hacĩnĩ. Baa aaꞌnyĩk lemiiniti hĩbaangĩ cĩggaac haccamana Nyekuci.

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Hĩnĩngĩtĩ lemiinit, haga naag haĩ, baa ẽhẽnytaa lõõcĩ thõõthaa ꞌcĩ aduha Nyekuci. Nẽ tarĩ haga naag haĩ, baa ẽhẽnytaa ꞌgii ꞌcĩ hacĩn naag ꞌyioko ho, ꞌgiiaa ꞌcĩ hõllõngaa edeeꞌnyia.

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho. Hĩnĩngĩtĩ baa aꞌnyak Abũrahaamõ lemiinit, aau nẽẽ hĩ tahanit looccaa baa aduhaak Nyekuci ĩnõõnnõ. Baa õlõman nẽẽ tuggẽẽtĩ hĩ baa õlõman Iꞌthaako hĩ Yakobo buúk, baag ippotaneek Nyekuci looc nicci dioo noho.

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Baa lemiinit ꞌcĩ aaꞌnyĩk Ẽẽnõk hũũk hẽẽtahujjieen rũgẽtẽẽt ko, “Baa aꞌnginoothi nẽẽ, hĩnĩngĩtĩ Nyekuc ꞌcĩ baa õkõõĩ ĩnõõnnõ ho.” Baa nga hũũk Ẽẽnõhĩ hẽẽtahujjieen, baa agayyi nẽẽ ngaatĩ ĩĩnnĩ eet ꞌcĩ aaꞌnyĩk Nyekuc haccamanoothĩk.

Baa lemiinit cĩ Abeele ꞌcĩ aaꞌnyĩk Nyekuc hẽlẽm ꞌgaarrieenit cĩnnĩ, hĩllõõan cĩ Kaiino. Baa aaꞌnyĩk ꞌbaaniniti Abeele hĩĩ eet ꞌcĩ abũnnaa nẽ ẽlẽm Nyekuci ꞌbaaninit cĩnnĩ. Tananga adaak Abeele hũnũũk, nga hõthõõthõõ naag hĩ ĩnõõnnõ terethiittaa cĩ lemiinit cĩnnĩ.

Baa lemiinit ꞌcĩ aaꞌnyĩk Thaara haꞌnyak loholeec, tananga baa hõllõngaa aꞌnyaki nẽẽnĩ nẽ baa atahaany gẽrrẽẽt. Baa ẽlẽmĩ nẽẽ thõõth baa aduhaak Nyekuci ĩnõõnnõ.

Baa adĩman Abũrahamĩ hoti, hĩnĩngĩtĩ baa ẽrẽ nẽẽ ꞌtaaũn cobbi ꞌcĩ aalla ooo, baa ammuha Nyekuci nẽ ẽtẽhẽnya.

Ma baa ĩtĩlĩtha Mũũꞌtha ĩĩ maka, ikia aaꞌnyĩk lemiiniti cĩnnĩ ĩnõõnnõ hũtũbũr ngaatĩ ĩĩnĩ ngeertĩ tĩnaatĩ habu cĩ Ijjibi. Baa ẽlẽmĩ nẽẽ ngaatĩ appĩĩrnanĩ hĩ eet cĩg Nyekuci hõdẽĩ, hĩllõõan ngaatĩ accamanõõthĩkĩ ꞌthẽccaana hĩdĩhĩdĩĩc. Baa ammuk Mũũꞌtha aĩ, mẽẽn ngaatĩ appĩĩrnanĩ nẽẽ hĩnĩngĩtĩ Krĩstõ, hĩllõõan ngaatĩ ammũdaanĩ baliinit cĩ Ijjibi, hĩnĩngĩtĩ ẽrẽ nẽẽ dũman cĩnnĩ cobbi ꞌcĩ hatĩ aku horumwa. Hĩnĩngĩtĩ lemiinit cĩnnĩ, ikia ũtũngeek Mũũꞌtha Ijjib. Baa adtuuha Mũũꞌtha Nyekuc ꞌcĩ hõllõngaa edeeꞌnyia nẽ hõllõngaa iꞌngolli liilii cĩ habuuo.

Baa lemiinit ꞌcĩ aaꞌnyĩk Abũrahaamõ hittiha Iꞌthaako hĩĩ ꞌgaarrieenit, baa attĩman Nyekuci ĩnõõnnõ. Abũrahaamõ baa ũmmũda thõõth baa aduha Nyekuci ho, ikia ẽlẽm ngaatĩ ĩbbõõrĩkĩ ngeerĩnĩ ꞌcĩ odoyyii Iꞌthaako Nyekuc hĩĩ ꞌgaarrieenit

Baa ĩĩn Rahabĩ ꞌwaaꞌngiahit umwa, nẽẽthĩ, baa aꞌnyak nẽẽ lemiinit nẽ ikia utuguny hoppoccwa baag au Ĩꞌthĩraẽla. Ma ho, iittiõõ hõllõngaa aruhi nẽẽ hĩ eet baag abũrĩ Nyekuci.

Hĩnĩngĩtĩ lemiinit cĩnĩĩng, iita abaaktĩ eeta cĩg Ĩꞌthĩraẽlĩ Bũlũc ꞌcĩ Marihi ꞌgõõlaa ꞌcĩ õdõhõhĩĩ. Ma baa aĩ habaaktawa eeta cĩg Ijjibi ho, adũddĩ hinnia thõng.

Hĩnĩngĩtĩ lemiinit, baa awanĩt eeta cĩg Ĩꞌthĩraẽlĩ ꞌtaaũn cobbi cĩ ꞌJeriko waathinniook tũkĩramma, nĩngĩtĩ aku arribaniini araanĩ cĩ ꞌtaaũnõõ hĩĩ lõõcĩ ꞌthĩĩ.

Baa aaꞌnyĩk lemiiniti Mũũꞌtha hadak Karrama cĩ Kõr ꞌcĩ Haangittõõ. Baa urwacaneek nẽẽ biyyi cĩg heleggeennu hẽẽnĩĩ cĩg hattũũgetu, hátĩ hiittiõõ hõllõngaa aruk Nyekuci lõhõlĩ ꞌcĩg maacĩg ꞌcĩg oou cĩg Ĩꞌthĩraẽlĩ.

Nẽ õõaa ꞌcĩ nga hadaahĩ Yothebo, baa ẽlẽmĩ nẽẽ Nyekuc aĩ, aluugi hatĩ Nyekuci eet cĩg Ĩꞌthĩraẽlĩ Ijjiba. Nĩngĩtĩ aduhaakĩ ĩhõõggõ hothohotit ẽmmẽ cĩgĩnnĩg hatĩ uluugito.

Ma baa õbõhĩ Yakobo adaaha, ikia iitirõõĩ hĩbahĩt cĩnnĩ cĩ tohomiitto nẽ ala Nyekuc. Nẽ hĩnĩngĩtĩ lemiinit cĩnnĩ, ikia aggatan nẽẽ lõhõlĩ cĩg Yothebo hõdẽĩ hõdẽĩ.

Baa lemiinit ꞌcĩ aaꞌnyĩk Iꞌthaako huduha thõõth ꞌcĩ hatĩ aggataniini Yakobo hĩ Eꞌthaau horumwa ho.