Popular Bible Verses from ꞌThianaattõ 27

Share

Aꞌnyĩĩk Nyekuc haaꞌnyi tammu, hátĩ hũbũtha mana cunni jurrung. Aꞌnyĩĩk ĩnõõnnõ haaꞌnyi ꞌgẽẽn hĩ viino ꞌcĩ maka. Aꞌnyĩĩk eet cĩg looc nicci hidticattoothihii nganiit nẽ akattieehi huruꞌnya. Aꞌnyĩĩk Nyekuc haaꞌnyi ĩĩ makayyioohit cĩ ꞌgotoonogu vẽlẽk. Aꞌnyĩĩk ĩhõõggõ hitingollieei nganiita. Aꞌnyĩĩk Nyekuc haggatan eet ꞌcĩg aggatannii nganiit nẽ ĩccĩĩn eet ꞌcĩg acciinni nganiita.”

Ẽdẽcĩ Eꞌthaau Iꞌthaako anneek, “Ĩggõõla ꞌyioko nẽẽ nganĩĩt ĩĩ tabattĩ ꞌramma, ĩnõõ ꞌcĩ haĩnnĩ ꞌthaar cĩgĩnnĩg Yakobo ho. Baa nõõ nga aggamaanna makaaꞌthĩt ꞌcĩ hĩĩnnĩ loholeec ꞌcĩ oou, ma thĩ aattĩ ꞌyioko, ikia aggamaawa ꞌgattan caannĩ buúk. Iittiõõ ꞌyioko ꞌgattanĩ umwaa ꞌcĩ nga aꞌthũũnnĩka nii nganĩĩt tõõ?”

Ma nĩngaata, uduhaak maaꞌnyia ĩnõõnnõ ĩĩnnĩk, “Abathĩ hatĩ gõõng ꞌthẽẽma cĩg manẽẽn cugunnig nẽ akadan hatĩ gõõng tammu. Ammũda hatĩ gõõng nii ꞌgẽẽn cunni vẽlẽk joratõõ, nẽ iinu dticciannioohit cĩ ꞌgotonoonu. Nẽẽthĩ, ma idiimu õõga ẽlẽ cunni, iittiõõ thĩ hatĩ hõllõngaa iini apahaca tarĩ.”

Õbõdẽẽkĩ Eꞌthaau tarĩ aĩ, “Baaba, aꞌnyahi gõõng nii ꞌgattan hõdẽẽthõng? ꞌGattaanaa mĩĩ ꞌthẽk nganĩĩt buúk.” Nĩngĩtĩ õkõlẽẽkĩ Eꞌthaau luulu.