Popular Bible Verses from ꞌThianaattõ 22

Share

Nĩngĩtĩ akannẽẽkĩ Abũrahamĩ nĩngĩtĩho ꞌthaar ꞌcĩg haĩ, “Aaꞌnya hatĩ Makayyioohiti.” Tananga ꞌyioko buúk, nga õthõõth eeta aĩ, “Aaꞌnyeet hatĩ Makayyioohiti muuraa cĩnnĩ.”

Ma ho, uduhaak Nyekuci Abũrahaamõ ĩĩnnĩk “Bĩtĩ ngeeruni Iꞌthaako, ꞌcĩ odoyyii, ꞌcĩ ammĩnani gẽrrẽẽt ko ngaatĩ haĩ Moria nẽ ĩbboorĩhaa nganĩĩt hĩĩ ꞌgaarrieenit ꞌcĩ ĩĩn ꞌbaaninit. Bĩĩt ꞌbõõr ĩnõõnnõ muuraa ꞌcĩ hatĩ hõkõ heterꞌtheekii naana.”

Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”

Ẽdẽcĩ Abũrahamĩ ngeerĩnĩ anneek, “Aaꞌnyeet hatĩ Nyekuci nẽẽnĩ.” Nĩngĩtĩ õõĩ ĩĩcĩ oou.

Haduhaakii ꞌyioko hanneekii nẽẽ, haaꞌnyii hatĩ naa lõhõlĩ ꞌcĩg mẽẽlĩg gẽrrẽẽt ꞌcĩg hatĩ ĩĩkĩ mũnyũny cĩg hẽẽtkujjieen ko, hode ꞌcĩg mẽẽlĩg ĩĩkĩ hathaac ꞌcĩ aaĩ dẽmẽtaa cĩ bũlũcõ. Ĩllõõan hatĩ lohollia cugunnig mĩrõk nẽ aggamta ĩhõõggõ ꞌtaaũnniook cĩggĩĩng. Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”

Ma baa urutaa cĩ waathinniook ũgĩ, ikia ũtũvvũ Nyekuci Abũrahaamõ nẽ ĩttĩman ĩĩnnĩk, “Abũrahaamõ!” Ẽdẽcĩ Abũrahamĩ anneek, “Ee! Nganĩĩt cieeni!”

Ma hĩdĩĩkoothong, õthõõthak aajĩlõ cĩ Makayyiookto ĩnõõnnõ hẽẽtahujjieen ĩĩnnĩk, “Abũrahaamõ! Abũrahaamõ!” Ẽdẽcĩ Abũrahamĩ ĩnõõnnõ anneek, “Ee! Nganĩĩt cieeni!”

Ma ho, õthõõthak aajĩlõ cĩ Makayyiookto Abũrahaamõ tarĩ ĩĩnnĩk, “Habũtani ꞌthaarĩĩ cĩgannĩg, nganĩĩt Makayyioohit ꞌcĩ hothoothi ho, haggatannii hatĩ naa nganiit gẽrrẽẽt, hĩnĩngĩtĩ thõõth ꞌcĩ ẽlẽmaaka loholeec cunni ꞌcĩ odoyyii ho.

Ma baa õdõlan nẽẽg nĩngĩtĩ baa aduha Nyekuci ho, ũũk ẽtẽhẽnya Abũrahamĩ nĩngĩtĩ ĩbbõõrĩ ꞌgaarrieenit nẽ ẽꞌthẽdaneek ꞌrĩĩma lokora. Nĩngĩtĩ ẽcẽbĩ nẽẽ Iꞌthaako nẽ ataadĩk ĩnõõnnõ ꞌrĩĩma lokora.