Popular Bible Verses from ꞌThianaattõ 17

Share

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

Iittiõõ hatĩ hõllõngaa hainni nganiit Abũraamõ tarĩ, hiitti hatĩ Abũrahaamõ, hĩnĩngĩtĩ haaꞌnyii naa nganiit ĩĩ baattĩ loonyin ꞌcĩg mẽẽlĩg.

Haꞌthũũnnĩ hatĩ naa lõhõt ꞌcĩ hadak hĩ nganiit ko, ĩꞌthõng hõdõlan lõhõlĩ cĩg lõhõlĩ cugunnig vẽlẽk irkiꞌnyia hĩ irkiꞌnyia. Hĩĩnĩ hatĩ naa Nyekuc cunni hĩ cĩ lõhõlĩ cugunnig urutaa cunni buúk.

“Hĩ ꞌyioko hadahit naag hĩ nganiit lõhõt icci ho, haduha naa haini, ĩĩnĩ hatĩ nii maaꞌnyĩ eet ꞌcĩg mẽẽlĩg ꞌrĩng.

Ẽdẽcĩ hinnia Nyekuci anneek, “Aitiõõ hõllõngaa occa aaĩ noho, arrita hatĩ Thaara ngaa cunni dẽẽdẽ loholeec ꞌcĩ maacĩ ꞌcĩ hatĩ akanneehi ꞌthaar ꞌcĩg haĩ Iꞌthaako. Haꞌthũũnnĩ hatĩ naa lõhõt caannĩ hĩ ĩnõõnnõ hĩ lõhõlĩ cĩgĩnnĩg vẽlẽk ũdũt.

Haaꞌnyuung hatĩ naa nganiit hĩ lõhõlĩ cugunnig looc cĩ Kanaanĩ ꞌcĩ ꞌyioko aayyi nii ho, hĩĩ cunuung ũdũt. Hĩĩnĩ hatĩ naa Nyekuc cĩ lõhõlĩ cugunnig.”

Ma nĩngaata, akatĩ Abũrahamĩ hẽbẽrĩ looc nẽ ikidan ĩĩ, “Ĩcca occa gõõng aꞌnyaki Thaara ngaa ꞌcĩ aꞌnyak irkiꞌnyia hẽẽn tũrkũwwec ko hutuno?” Nẽ ĩccaad tarĩ ĩĩ, “Nẽ tarĩ ꞌyioko, hatahaanya naa buúk haꞌnyaha irkiꞌnyia ꞌmiia hõdẽĩ, ĩcca occa ꞌthẽk hatĩ nga haꞌnyaka lõhõlĩ dĩdĩ?”

Ma ho, uduhaak Nyekuci Abũrahaamõ tarĩ ĩĩnnĩk, “Iꞌthianaanĩ kõr nicci, iittiõõ hatĩ nii hõllõngaa avvĩ ngaa cunni anneehi Tharaĩ tarĩ. Hĩĩtõ hatĩ ꞌthaar cĩgĩnnĩg Thaara.

Iꞌthianaanĩ kõr nicci, adiim etteeddu eleeti cugguung vẽlẽk nẽ ĩĩn hatĩ ciee terethiinit cĩ lõhõt ꞌcĩ hadak naag hĩ nganiit ko.

Nẽẽthĩ, hadaka hatĩ naag lõhõt hĩ Iꞌthaako ꞌcĩ hatĩ arritaaki Thaara ho. Arrittiaa hatĩ Iꞌthaako kõr ꞌcĩ aaĩ hĩ ciee irkit ꞌcĩ gõlla.”

Aꞌnyĩĩk lõhõlĩ ꞌcĩg maacĩg vẽlẽk ꞌcĩg hatĩ arrittiaa irkiꞌnyiaannĩ hetteeddi eleeti, hatĩ ĩĩtõ waathinniooha turkiyyio urutaa cĩ tuhuyyiaattõ. Aꞌnyĩĩk hetteeddi eleeti ꞌcĩg eet ꞌcĩg arrittiaa halaꞌngiõõhĩtõõ cugguung, hĩ eet ꞌcĩg baag uuttiaa ꞌrabbẽẽtĩ, eetaa cĩ looc ꞌcĩ ꞌrĩĩng. Adiim appahacaaꞌnya ꞌcĩg hatĩ arrittiaa õlõõ cunni hode ꞌcĩg uuttiaa ꞌrabbẽẽtĩ eetaa cĩ looc ꞌcĩ ꞌrĩĩng buúk, hetteeddi eleeti cĩggĩĩng. Ĩĩn hatĩ nyamacaar cĩ eleeti cugguung ko, terethiinit cĩ lõhõt ꞌcĩ hatĩ aalla irkiꞌnyia hĩ irkiꞌnyia.