Popular Bible Verses from ꞌGalaaꞌthia 5

Share

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit, nẽ hĩĩtõ tarbalĩg, huꞌthuutti eleeti. Nẽ má adticannu niig thooꞌthiok iccig, hõllõngaa ẽꞌthẽcannu niig nyattal.

Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.

Aaꞌnyeet ngagĩĩt Lorii ꞌcĩ Ẽllẽẽmĩth rũgẽt nẽ ꞌyioko hũnnẽẽc naag buúk Lori ꞌcĩ Ẽllẽẽmĩthĩ.

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Muhẽẽnĩt ꞌcĩ abathĩ ꞌcĩ aaꞌnyĩk eet helemit thooꞌthiok ꞌcĩg ĩĩn ꞌriiring, hĩ dtiicanĩ ꞌcĩg abathĩ. Ala nẽẽg hẽlẽggĩ ꞌcĩg aar eeta hĩĩtõ nyekuꞌnya, adtican thooꞌthiok cĩg ngaritu, aaburreek ꞌgõõnõgĩ nẽ ẽppẽhan thooꞌthiok, abũraneek hẽlẽggĩ cĩg eetuk, alĩĩlĩ gẽrrẽẽt, athĩngõõnyanĩ, ẽꞌngẽr eeta nẽ õtõõcõ ẽmmẽn, iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

Adiim ẽlẽ baa ꞌrẽẽnĩ ꞌthẽccanẽẽt ꞌcĩg abathĩ, ꞌcĩg hõllõngaa adiim Lorii ꞌcĩ Ẽllẽẽmĩthĩ. Aruhõõ Lorii ꞌcĩ Ẽllẽẽmĩth hĩ ẽlẽ baannaac ꞌrẽẽnĩ nẽ iittiõõ hõllõngaa adĩmani nii thõõth ꞌcĩ adiimi niina.

Arummiaa nyattalĩ vẽlẽk hĩĩ hõdẽẽthõng aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”

Nẽẽthĩ ꞌyioko, occa hõllõngaa hathĩngõõnyan, nẽ hongoongoyyiõõ ngaatĩ haĩnnĩ hĩllõõan ꞌgoonogeet.

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.