Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk. Hadiimmuung naa ngagiit agaac ꞌtirrian hĩ makaaꞌthĩt ꞌcĩ aꞌnyaheekeet Nyekuci ngagĩĩt ꞌcĩg hẽlẽmĩ ĩnõõnnõ. Ĩĩn ciee ꞌtirrian baa adticaniini Nyekuci, hũrũgũtha Krĩstõ daahĩtha nẽ aaꞌnyĩk ĩnõõnnõ haau attiaa cĩnnĩ ĩcobbi hẽẽtahujjieen. Aggam Krĩstõ hẽlẽggĩ vẽlẽk ꞌcĩg attiran hĩ ꞌcĩg aꞌnyak makaaꞌthĩt hĩ ꞌcĩg aggam loonyin vẽlẽk. Aggam nẽẽ hẽlẽggĩ vẽlẽk cĩg looc nicci nẽ hatĩ aggam cĩg looc ꞌcĩ hatĩ horumwa buúk.