Popular Bible Verses from 2 Timotteeo 2

Share

Dticcianõ gẽrrẽẽt, hátĩ ĩĩ dticciannioohit ꞌcĩ ẽlẽmĩ Nyekuci, ꞌcĩ ĩĩnĩ dticciannioohit cĩnnĩ ꞌcĩ hõllõngaa aꞌngaaõn ngaatĩ aꞌthũũnnĩ thõõth cĩnnĩ jurrung, nẽ illimaneehu eet thõõth cĩnnĩ ꞌcĩ ĩĩn dĩdĩ.

Lĩĩta thooꞌthiok ꞌcĩg abathĩ ꞌcĩg abũraneek nyahaappanĩta hĩ buheeci. Nũũ thõõth ꞌcĩ abũnnaa hõdõõkõthĩ, ꞌnyaak lemiinit cĩ Nyekuci hĩ mĩnnan nẽ aau lõꞌngõõc nẽ laa Makayyioohit hõdẽĩ hĩ eet ꞌcĩg tẽllĩg.

Ẽẽtĩ ꞌcĩ adticanoothĩk Nyekuc, hõllõngaa occa ĩĩn nyeppekiaahit. Abũnnaa ĩĩn eet ꞌcĩ tarbalĩ hĩ eet vẽlẽk nẽ ĩĩ ꞌlimmannioohit ꞌcĩ abũnnaa, ꞌcĩ aꞌnyak ꞌthĩnĩt ꞌcĩ maka.

Má hĩccaad naag lemiinit cĩnaac, aalla nẽẽ elemmeet Yeesu ngagĩĩt ũdũt noho, hĩnĩngĩtĩ hõllõngaa occa ĩggõõl nẽẽ ẽlẽ cĩnnĩ.”

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ

Awwua ꞌrẽẽna hĩ eet ꞌcĩg õthõõth thooꞌthiok ꞌcĩg hõllõngaa ĩĩn cĩg Nyekuci, hĩnĩngĩtĩ aaꞌnyĩk thooꞌthioha cieeg ĩhõõggõ, hũtũbũrĩt Nyekuc.