Popular Bible Verses from 1 Timotteeo 6

Share

ꞌTĩmman gẽrrẽẽt ngaatĩ anũĩ thõõth cĩ Nyekuci, hátĩ mũda rũgẽt ꞌcĩ aalla ooo, baa auyyi nganiit Nyekuci, kõr baa aduhaanĩ lemiinit cunni cĩ thõõth cĩ Nyekuci lothippitaa cĩ eet ꞌcĩg mẽẽlĩg.

Hĩnĩngĩtĩ má haangal ꞌrabbẽẽtĩ, hau hadtican thooꞌthiok vẽlẽk ꞌcĩg abathĩ. Aauto eeta ũgẽẽgĩ ꞌcĩg ꞌthẽk ummuhit ꞌrabbẽẽt diooni nẽ ataarriothĩ thõõth cĩ lemiinit cĩ Nyekuci nẽ aaꞌnyĩk ĩhõõggõ hiita haccanattĩ nẽ ummuddia pĩĩrnanĩt ꞌcĩ ahuci gẽrrẽẽt haaga noho.

Haballi naag dĩdĩ, hatĩ hiꞌngolli thõõth cĩ Nyekuci nẽ heꞌnyeenenit hẽlẽggẽẽnnĩĩ ꞌcĩg haꞌnyahĩ.

Hĩnĩngĩtĩ baa hiꞌthihi ꞌgiimwa ꞌcĩ baa haꞌnyaha naag loota nĩnga, ma hatĩ kõr umwa, hiꞌthihi hatĩ ꞌgiimwa ꞌcĩ hõõĩ buúk.

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

Eeta ꞌcĩg adiim baliinit, adhuhoothĩk nẽẽg ꞌtĩmman, ꞌgõõlaa ꞌcĩ ẽdẽtĩ ĩhõõggõ thooꞌthioha ꞌcĩg abathĩ ꞌcĩg abũraneek nẽẽg, ꞌcĩg aaꞌnyĩk ĩhõõggõ hẽꞌthẽcattĩ.

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna. ꞌGõõl ꞌcĩ hatĩ aarĩkĩ nẽẽg baliinit cĩnĩĩng õlõõ cĩ Nyekuci ĩcĩ hatĩ horumwa cieeni, nẽẽthĩ hatĩ ummuddia rũgẽt ꞌcĩ ĩĩn dĩdĩ ꞌcĩ aalla ooo.