Popular Bible Verses from EFESIAMI 4

Share

Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

Akumtsha kughuvu shilo, ivunhei xulo, pulhapuju kutuo kutuulo, lakhino lakhi lau kusuqhikulu lono kikimiye piyelo.

Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.

Kuqhu mo,aloghu, amlo kighide, muqhumuza eno thaighakeu jeli kumtsu pevelo.

Axuide kepushive namu tipau pelo axinelo osailove pekevilo, eno atsala kupuju axuide auvekevilo, eno adokivi tughami tsu kevilo.

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo. Nongu kukumsu ngugha kumtsu kilikitheve masae, nonguye alhoaye akitheu pepuve masae, hiye Alhou kimihi lono lhokeu kuchou kudauno ighikeu, amikucho eno akimthe lono shipepiye cheni.

Aghungu no alokiqipu pesu nongu tsughakuqhano kuqhakulu nongu tsukeu hu amlo tsuqhiyi pewonikeu pukaputsalo.

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke. Tishikeu lono Khristo phimpi shiqhe apeniye Alhou no akumlami sukusu shipe qhitsuke. Tiye ningu kumtsu akupululo tekhoilu, Alhou Nu ithikutolu eno Khristo ye khuu keno pa ghili ithi kupu lumoke kutolo mla apeniyeke.

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike. Ikemu kikimiye lono kuchou pini keloye Khristo khuu akutsu keno alaghi kumtsulo pa sasu thuwu akepue.