Popular Bible Verses from THUPHUANDOH 22

Share

Kei Alpha leh Omega, a patna leh a tawpna, a masapen leh a nunungpen ka hi.

Ngai in, kintahin ka hung hi; huleh michin a silbawl bang jel a piah diing ka kipaahman ka kawmah a um hi.

Huleh Hagau leh mou in, Hung in, a chi uhi. Huleh a ja taphot in, Hung in, chi heh. Huleh koipouh a dangtaah chu hung heh. Huleh a ut taphot in hinna tui a thawnin la heh.

Hinna singkunga tan a neih theihna diing uleh, kota khopi sunga a luut theihna diing va a puansilhte uh sawpsiangte chu a hampha uhi.

Ngai in, kintahin ka hungpah ngei diing hi; hi lehkhabu a soilawhna thute jui photmah chu a hampha hi, a chi a.

Huleh huah jan a um nawn sih diing a; thaumei vaah leh ni vaah zong a ngai nawn sih diing uh; ajiahchu Lalpa Pathian in amahuh a taan vaah diing a; huleh amahun kumtuang kumtuang in vai a hawm diing uhi.

Hi thute hesahtu in, Ka hungpah ngei diing hi, a chi hi. Amen. Huchi hi heh, hungta in, Lalpa Jesu. I Lalpa Jesu Khrist hehpihna chu na bawnva kawmah umta hen. Amen.

Ajiahchu koipouh hi lehkhabu a soilawhna thute ja taphot kawmah ka hesah hi, Mi koipouh in hi thute a behlap inchu, Pathian in hi, lehkhabu a kigial gawtnate a tungah a behlap diing hi. Huleh mi koipouh in hi soilawhna lehkhabu thute apat a laahmang inchu hinna singkung leh, khopi siangthou leh, hi lehkhabua kigial silte apat a tan diing chu Pathian in a laahmangsah diing hi.