Popular Bible Verses from ROMMEI 14

Share

Kalam thu Ravguangc Guangcdic hei thu tu zangvmei tuang latbamv hamh e; tiki Bumaengh Nthanmei rui tiimei ravchaptatmei, chuzaenghmei, khatni neihlamei latbamv de. Mi hei kumcna, Khrista siamruai swpui mei ta tei Ravguangc rui pianlou e khatni maansei rui lwanlou e.

Aniu ringc e thei, aniu ringc bammei hei Poubauhmei khang e; aniu theic e thei, aniu theihmei hei Poubauhmei khang e. Kumna aniu hei ringc pw ni, theic pw ni Poubauhmei khang e.

Mi kumna, chuzaenghmei phungc guang nimei tuang khatni khat khat ta kasiamh thau nimei tuang tei sw khang aniu karamc nina e.

Hei zaeng rui, aniu khat khat ta latzan sw taan di kho; kumna aniu chana khat ta tiphaysuy nimei tuang hamh e thei tibow nimei tuang ramhkhat sini taanh mak khang lungning ding kho.

Kalam thu mi kumna hylou e: “Ai hei ringhmei Racguangc e twmei suai makmei kumcna, meic kathuicna ahu khou khuksun key puni khatni ai hei Ravguangc e twna meic kathuicna rui sa puni, twna Poubauhmei rui sa e.” Hei zaeng rui, meic kathuic katuang katuang taanv chakh Ravguangc khou tii puni.

Lwmmei khou suanmei mei ta tei laalou o; kamei rui sw bammei ta tei nsic nangh e.

Meickai bangc ta latzan sw khang nang thouc hamh e. Kataanv tei laalou nuhmei, laalou nuh makmei twmei hei kakaipouc nyng de. Laalou puni de, kalam thu Poubauhmei rui kata laalou ngam de.