Popular Bible Verses from NDAUHLOUMEI 6

Share

Ai zauc pw ki takuanh nzinh ndavmei akhat pat the. Mi khou tei tuanghmeipu zanc tei Theihmei kaw e, kumna kathei khou Taruaih lay guang e. Suc rih rui, nap nkowmei rui, ravpyan rui, khatni nwmbangc khouringc rui, kandih kadam padeih khou akhat ta swluai khang kaney khou ngamv tiilou kan the.

Khoutei ai zauc the, kumna takuanh mphwanmei akhat pat the. Mi khou tei tuanghmeipu tei sauhpai sin e khatni kakhou guanghpyrun tiilou kan e. Kamei ngammeipu swna ngam khang tat pat kan the.

Lauziu Nac tei rui panguhmei seal tei swbak pat pwkhou, Ravguangc lat piupui zaeng rui khatni dinhpui zaeng rui swluai kanmei bumaengc nunc tei ravchabamv bangc khou bammei ta how e.

“Ngamparimei Poubauhmei, nthanmei khatni nchumhmeipu! Kandih khou lungc bammei nunc ti hei latzan sw makna khatni aniu zei tuang khwm laa makna asaanh lou bam ni hena cho?” twna kaniw kauc bam e. Kaniw kathuic khang tei pheychuanh mphwanmei tiilou the, kumna siamruaimei khatni chana nunc ta tei kaniw ta kumcna swluai nimei sing tei swluai ntangh mak saanv nkhwan kanaklou khang kaniw khou kadylou kan the.

Khoutei takuanh haenghmei akhat pat the. Mi khou tei tuanghmeipu khou tei kandih khou rui chuzaenghmei laa pat khang tiilou kan the. Mi kiu maansei guay khat rui khat ta swluai khang e. Kakhou baengsaeng daihmei tiilou kan the.

Kaney tuang lungpuamdai keylou nimei tingmik kiu guang pw the, meic gaanv khat na sini dingchaek ngam ni tu hamh the.”

Lauziu Nac tei rui charukmei seal tei swbak pat pwkhou, baengla dai zaymei ta ai how e. Neihmik pheymiw kumc miw kan the khatni bw zei kumc haengc kan the. Puanzingh rui tadutthai kanuk key kumc gaanchuangcna guay kandih khou taekkey the.

Mi tangv Lauziu Nac tei rui kathumhmei seal tei swbak pat pwkhou, kathumhmei khouringc tei rui “Pat tho!” twna samei ai chu the. Ai zauc the, khoutei takuanh miwmei pat the. Mi khou tei tuanghmeipu tei duh sin e. Khouringh padeih pang khou tei rui meic khwan kumcna, “Zaeng neih khat phy gehu haandwang akhat, khatni neih khat phy siupian haandwang kathumh. Tiki Olive bang lev drakha bang guay tei thu sw kasih rio!” twna samei ai chu e.

Latrikzy kazih kumc tingpuk kazih gut kan the, chyngbut khatni duipui kandic guay maan ngam the. Kandih tuang guangc guay, dihsinpouc guay khatni rihpy guay, lungcgaymei khatni ngammei guay, bangh khatni nyngswmei guay, meic katana chyng tuang khowlang tauhlang khou dup the.