Popular Bible Verses from NDAUHLOUMEI 11

Share

Mi tangv chaneimei kauh baanchara tei katuang bianggun muan the. Khoutei tingkauh thangc mi kumna kauc the, “Ntaw thu mbaanv ti hei Poubauhmei khatni katuang Messia rui sin puni the, kumna kamei tingsaeng guanghswna sin puni!”

Zaatc guay lungh puamc the, kalam thu nang lungpuam ganv tei guang the, theihmei ta latzan sw nipui ganv tei guang the. Nang bangc nunc khang swan tii nipui ganv, muhzwng nunc khang, nang mei guayna khang, nang ta pingmei daihmei khatni nthyammei katana khang, swan tii nipui ganv guang the. Mbaanv ta swmaanmei nunc ta swmaan nipui ganv guang the!”

Ai rui alat dinhmei gaanv nei ndiu guang puni, kumna kaney pheyga piuna mi zaeng ching khat phay nei riakcharuk lungc khou tei ravmundinc puni.”

Zaeng neih thumh kapaek tangv Ravguangc tuang ringhmei thiu kaney khou tiilou dat tina, kaney ringcna dingthau dat puni. Kumna hei tei howmei guay ping puni.

Kaney ravmundinc bammei lungc khou tingriu mak khang tingpuk ta khaamlou ngammei ngamv kaney khou nai e. Duithuak dui guay ta ni zei tiguanhlou khang kaney khou ngamv nai e. Kaney rui ningmei thei layna apun alun tiguangna ni kandih ta sw kasic khang ngamv nai e.

Mi ravlat dinhmeipu nei hei, kandih kaipouc hu khou ding bammei Olive bang nei khatni thauhmai nei tei e. Thow pw ni, kaney ta sw kasic khang swpui mei ta, kaney mwang khou rui mai patna swmaan puni. Mi kumna kaney ta sw kasic khang swmei guay ta swluai puni.