Popular Bible Verses from PHILIPIMEI 4

Share

Nangniw ramh lam akhat na khang sini lungh katuakc bam riu; tiki nangniw huayneymei kathuic, nangniw khang kage naimei guay tei Ravguangc khou poulou o, thuanckuna ney o.

Kumna maansei rui thay tangh makmei Ravguangc tuang chuzaenghmei tei rui Khrista khou nangniw lung khatni lungning ta dinggaeklou puni.

Nkhamh khou, chanathiu, kalingmei, chingkhiuhmei, nchumhmei, nthanmei, meic nzianmei khei, mi kumhmei gaymei thuanckulou biuhmei gunc guay ti hei nangniw lungning khou machunhna bam o.

Khrista rui akhou tiiloumei pumtan paan rui ai ramh guayna ngam the.

Nangniw Poubauhmei khou neihla tanh tan bam o. Ai rui sa dat re: neihla o!

Ramh khat sini gaat tuang maekmei aRacguangc rui Khrista Jisu paan rui nangniw khang kage naimei guay tiilou puni.

Ai rui nangniw khou lat swna nchamlou kanmei khatni akheiliak rui lungc lyanlou kanmei guay tei nangniw taanc bam o. Kum pwkhou, chuzaenghmei tiiloumei Racguangc rui nangniw ta bam duanghlou puni.

Nangniw lungh zaenghmei tei meic guayna khou lungc lyan o. Poubauhmei guang zaic puni the.

Lungcsina akumhna lungc nina cho, lungcgayna akumhna lungc nina cho twmei ni ai thay the. Kumna nggu pw ni, ndaapc pw ni; katitna nai pw ni, liamh laihna nai pw ni, ai pian thay the.

Mi hei akhang ramh maek khena lungc ryanra the twna sa tuang ni hamh e. Akhou tiilou loumei lwnlung khou tei ai pian thay the.