Popular Bible Verses from GALATIMEI 5

Share

Tiki Bumaengh tuang thai thu: nzianmei, neihlamei, chuzaenghmei, khaengvthaymei, zianthaymei, gaymei, lwmnuhmei, lungh niamhmei, khatni kapumc sinriapmei hei e. Mi kumhmei ti hei nuh makmei Riakdanv maek ge.

Ai rui nangniw khou samei kiu mi hei e: Bumaengh paan rui tat ro, kum e thei meic pumc rui kahawmei khou tei tat mak puni.

Bumaengh hei rui aniu khou ringhmei tiiloupui thei layna, aniu Bumaengh rui zayloupui thei layna tat di kho.

Khrista Jisu tuang sw kanmei guay tei thu meic pumc tuang swmei tei, meic pumc rui kahawmei tei kazauhna kros khou thaengcluai kan the.

Meic pumc tuang taanv kapaengc khou how patmei kiu thu mi hei e: lungcmaanv lungcmowmei, mphuam mphamei, nthah boulahmei, ravmaengc kalummei, duaih raengh sinmei, karaeng zauczihmei, agay agimei, howti howkanmei, lungh puamhmei, kakhangna ningmei, lungh chamc chwn chamc makmei, kalangv patmei, howtimei, zouh mbamei, kasau kabaumei khatni meicdowmei mi kumhmei guay hei e. Kahunungc sa kanmei tei kumcna ntaw ni nangniw khou sa tuang e: mi kumna lungc bammei nunc tei Ravguangc guangcdic khou gut ni tu hamh e.

Chanathiu, nangniw ta thu nyngsw khang kawlou tuang di the. Tiki mi nyngswmei hei nangniw pumc rui kahawmei taanh khang kadouchamei swna thu sinsw riu. Mi phaan tei nzianmei rui nangniw khat khat siamruai sw o.

Kalam thu meic pumc rui kahawmei tei Bumaengh rui kahaw makmei e; Bumaengh rui kahawmei tei meic pumc rui kahaw makmei e. Mi kanei hei khat khat ta nuh mak ge. Mi kabac kiu thu, nang rui kahawmei tei nang taanc nuh mak ge.

“Nang tuang kaining kaigeimei ta nang ta kumcna nzian nina e,” twmei khou hei Riakdanv kapwm nai the.

Aniu daihriw sw ri kho; khat khat lungpuam ntanv ri kho; khat khat ta howti ri kho.

Nyngsw khang Khrista rui aniu ta tiduaklou the! Hei zaeng rui ding ntip bo: bangh puat tei phungc dat ri tho.