Popular Bible Verses from MATHI 19

Share

Jisu na mathu ghang nu luneng, “Hawa ha anyi ghena saya nben, isala Anyiza ghena tsü pala tsüdila saya mehai.”

Tsalina manyi na keni nyedha isala kesütan sadha. Anyiza na zanghu kethengwa tsü anyi na tsü sa pi kepapa sa yishü.”

Jisu na khineng, “Nthu na Ntsawajüh wi Anyiza na adechhü wina anyi nza nu npvüza sahang chile khi keben tsü si meya kwe? Anyiza na khi, ‘Ha jjügi ghena npvüza na ma bajja teshi nu wala ma wubvü manyi ben waben, nu manyi na asajjü kesütan saben.’

Jisu na khi, “Ghanyithu tsü nkhenla nu hi wi gho thsülo, kepaghenanye tang Kadiyyi na hathu hati kesathu ji saben.”

Isala khili atu sa kebenthu kejon na asakhen saben, nu khili asakhen sa kebenthu kejon na atu saben.

Anyi thowa na ighena ajjenthu, acünyuthu, atssüggüthu, abajja, atsangathu, nu allithu teshi khe ma tsü miwi kishen meza mu nengya ben, nu anuphan kahang pi cüben.

Jisu ma wi khi, “Keujüla no haicenya mvu lethu wala no keben tsüdi jeü nu apisa pi ketha-u cülo, isathu no tang wi ben ntsa sayaben; tsaseng wi gho hi nie ghalo.”

Jisu luneng, “No mangkesa na kemehaiwa cüki hi keüben nu? Ciwi Kemehaiwa kesütan benle. No anuphan kahang muya mvu lethu ayenkhukechithu tsü nieyalo.”

Hi khineng ben, keban kesü na Anyiza Kadiyyi wi dule kesa na sunsiesa kesü na aghaceng ku wi keshhuwa la le.”

Hi nthu kizaden, keujüla anyi kesü ma wubvü na nketsatan nsa lela yisha nu nza kepa wi yaya lethu ma keqheza sadha.”

Tsaseng wi Jisu na ma sansikeyathu wi kiza, “Hi nthu kizaden, keban kesü tang Kadiyyi wi dule kesa na dhu mtsü.