Popular Bible Verses from 1 KORINTHNYI 12

Share

Meshu kesüsü wi Aghamu pi ccüca kechi tsüna tsüdi ghena kemehaiwa.

Khili nthu tsüdila Khrista gwo sadha, nu nthu kesüsü ciwi alen kesü saben.

Keujüla agwo wi alen kesü na ketizen sa ben lethu, alen kepapa kesa tsüdila tsü gweghe ketizen saden, keujüla alen kesü na keseng pvüya lethu, alen kepapa tsüdila tsü gweghe anongheden.

Aghamu wi kemetsa pi meshu kesü cüden, nu Aghamu makesü wi palakechü pi anyi kepawa cüden. Aghamu makesü wi kenondi pi meshu kesü cüden, nu kesakinaa sa pi mehaikeya kekhang pi anyi kepawa cüden. Aghamu na amankesa kekuli kekhang pi meshu kesü cü; Anyiza ketsijüh kekhi pi kepawa cü; nu Aghamu chü kepapa saya kemehai pi kepawa cüden. Ajüh kepapa khiya kemehai kekhang pi meshu kesü cü; nu tsü jjügi khiya kemehai kekhang pi anyi kepa wi kesü cüden.

Isala hathu ha tsüdila Aghamu kesütan nu makesü wina saben; ma kenen kemeshen wina aju kepapa kesa pi meshu kesüsü cüben.

Tsalina agwo wi gishü kepapa kesa nmi, isala alen kepapa kesa tsüdila khokho ghena meshenden.

Aghamulen wi aju kepapa na ben, isala Aghamu kesütan na tsüthu khuchiden. Ciwi kekuli alen kepapa na ben, isala Apvüwa makesü kekuli saben. Ciwi kekuli kepapa saya kemehai na ben, isala Anyiza makesü na papa kekuli saya kemehai pi tsüdila cüden.

Anyiza na anyi tsüdi pi kemehu wi alen kesüsü sa thsü theng: atuwa apostelthu, keniwa atusenjüh — kechüthu, nu kechengwa kesansithu; tsaseng wi amankesa kekulithu, tsashiwa kesakinaa sa pi mehai keya kekhang pi cü kethengthu, nyu kekiqathu, nyu len ketsütsonthu, nu ajüh kepa wi kekhithu.

Kepaghenanye agwo tsüna alen kesütan nye, isala alen kepapa kesa kejonla saghu pi sa theng.

Tsüti kesawa nye, ithu na agwo wi alen kepapa kesa kesü ma kezü nkemiwa tsü la pi nkechi tsü mangla saya nben

Keujüla agwo tsüdila anyon sa lethu, khati nu pala zaya nu? Nu keujüla agwo tsüdila akhuna sa lethu, khati nu pala hansaya nu? Isala hati nu Anyiza na ma kemeshen sa nu alen kepapa kesa pi agwo wi chi theng. Keujüla tsüdila alen kesütan sa lethu, khati nu agwo sa kesa nu?