Popular Bible Verses from ROMNYU 6

Share

Kechamvule kemu shün le kesi, ai Sunggigü le n Npugü Jisu Khrista nyu kenrun nyu khipe nketsü gü we kethonthen kerhün gü genyu.

Kemu no hagun so gon loho so; kechamvule hagun le tejvü gü hensin mvule shwikenjün gü hensin bin kela si genyu.

Tsügenyu nne baptaiz kethyü ka a-kesi zen-o nme thyüo nsunla so; tson-o n Pvügü kekvu le kesinyu dan nyu Khrista thyü nrhün kelo hontse n ai no keyhun keshün thyüo yhunlo nrün genyu.

Nmvu ai ntsen kemvu kenyü hontse kethyü thyü mvulo nrün genyu hagun min khi pe kemu kipon shü nya; ai kesinyu dan nyu rhünnilo kela temi thyüo hagun npvü hagun khipe Sunggigü kipon shülo, lo kentsen keseri kenyü thyülo nrün genyu hagun min khipe Sunggigü kipon shülo nye.

N kemu mi gü nke lao kemu dothyü sinmvulo nrün genyu nle temi whegü pe a-sin-o krus ge hüla so tsekethyü shabin nyo.

Tsühontse hagun ai kemu kipon sila so, lo Jisu Khrista genyu Sunggigü kipon rhün hü laso tsekethyü rüchünlo nye.

Kha, tselo nne nyu zo mon? Shwikenjün gü no chon chwiryülo nrün genyu kemu nyu bin ti ole? Tsonlo nrün ndi! Nne kemu kipon sikela nyu le nyu tse thyüo tsü nyu yhun sin gunlo tila?

Sila nrün genyu kemu nmvu ai ntsenlo nrün genyu Sunggigü jo kezen hihvu nme mvue nme go thyüo hagun npvü hagun khipe digü go thyüo a-jo zen tiyo hagun le a-jo zen kehügü do so tsekethyü hagun le sha mvu ole?

Hagun le gwüngwa nme ka we kemu go thyü hü, ai hagun khini pe senkethyü jo hinyu shükelo hagun yhen thyüo jo hidan zen kelo genyu ale Sunggigü shwen bin nyo. Kechamvule kemu nyu hagun shwüshü lao hagun no kentsen go thyülo kela genyu.