Popular Bible Verses from ROMNYU 1

Share

Kechamvule ale Khrista Jolokegwa den zin we kejola hümvu, tsü le Judanyu genyu ri lo Griknyu ai sin, tse tenyen kelonyu aphu kenilo nrün Sunggigü kekvu gü genyu.

Kechamvule Sunggigü le dihontse temi thyü njülo hüyo Jolokegwa gü le tsü yhenshwi shü, tsü le binzen ka gü keni keti ketenyen genyu nti. Tsügü rüla hihontse thu njü nyo, “Ketenyen genyu Kentsen nyu le rhün loti.” (Heb:2:4).

Kazü nyhun kelo gerhonyu a-kegwa kethonthen a-kekvu lo a-jvü a-rüla le hyu tsentsü bin laso. Tson-o temi le Sunggigü le thyü keshü dan ge a-shalo gwa, tsügenyu thame ka-e anyugun kemvu jüshü loho.

Anyugun le Sunggigü sha bin nyo, ai zan kechwi pe Sunggigü tsü, lo A-cheno lomvu laso. Tson kethyügü mvule anyugun le thakon kemvu kerüchün lo kezün le anyugun nyun kesü thyü laso.

Kechamvule anyugun le Sunggigü ketsin gü lope kenku thyüo, n nyhun keshü gü mvule nyhun kelo dan rüshvu lo a-lo thyü tinkela genyu, ai Sunggigü we no kethonthen kengvü gü thyülo! Amen.

Temi serikemvu sen-o ketsin tson khin kebin dan, anyugun kemu lo ntsen serikemvu aphu genyu tsangge Sunggigü nyu kekhü le tsüdan teshashü bin laso.

Hi genyu Sunggigü le anyugun khe pe kejokepvü kenyü nyu shüla, tson-o tenunyu dan ai anyugun jvü khelao tenunyu jvü kemvu dan thyü tinla. Lo tsühontse pechenyu ai tenunyu ge a-jvü gü khelao khinyunyu kenyü tin laso, tson-o pechenyu npvü pechenyu zen-o kejokemvu thyüo anyugun kemu chün anyugun no shaja hyulo. Lo temi le Sunggigü rüla ketsin gü lope a-nyun nyu shünyü mvu kela genyu, a-le anyugun khe pe ntsen serikemvu nyun kepvü kipon shü la, tsügenyu anyugun le thyüzü kemvu dan thyü tin laso.

Anyugun npvü anyugun le thasha letse hü nyo, ai anyugun le kennunyu. Lo anyugun le zankechwi kethyü, sila lo keho Sunggigü lope sila kehü temi, lo tegü lo nyukhu lo kazü nyu nyon kehü nme hontse laso.