Popular Bible Verses from FILIPINYU 2

Share

Hagun npvü hagun jünkegwa fü nya nmvue ketekho-o thame thyü nya; ai tsenyo kehilo, hagun le menye gwakvu letse rüchün nya. Ligühigüe a-npvü a-rüla rüchün gwünzin tinla mvule khinyunyu phin rüchünlo.

Khrista Jisu kendo gü tsü pe hagun nyuki shü sen hülo.

A-le Sunggigü zen keme-e, Sunggigü zen ketun letse kethyü a-zan senlo mvu. Tsonkethyü gü mvule temi ngwao medo hontse thyüo a-npvü a-thyü kenmhenlo. Tson-o temi rhenrhe hontse gunryü. A-le a-thyü ketsenyo-o jokezen tson nyu kebin krus si-e thyülo.

Kechamvule a-kenyü thyü titseo hagun nyun thyü pe hagun no thyü nyü, lo zenlo kehü gü tsü le Sunggigü le genyu.

Tsügenyu Sunggigü le a-thyü pe gonsa shü, lo a-zan thyü pe zan aphu nyeki tetsosin shüla. Tson-o tsangge-e kazü nyue, lo kazü hensin kie yhun kehü aphu no Jisu zan nyu khosen külo nrün genyu, lo temi aphu tse Jisu Khrista le Npugü le tse zoshwi kü ti, Pvügü Sunggigü zankechwi genyu.

Kenyon kenyü lo mezen kenyi nyao tha lihi-e thyülo. Tson-o kerhün jo tejen tsekho sen-o me hilo, kazü serikemvu nyu shyenyü hontse temi kemvu lo a-nyun kenra dan no hyu-o hagun nkhinlo keho nyu thyüo Sunggigü nyenyu kenshün nyu thyülo chi.

Lo hagun akesonyu ju, hagun le nduka Sunggigü jo kezen nyu thyü zin keryü hontse, tsühotse ayhühyu ka ntimvule ahyu kemvu ka chon kvuo hagun keni penlo nrün genyu petsü sao Sunggigü kenyü thyülo.