Popular Bible Verses from FILIPINYU 1

Share

Hagun nyunki thakegwa bin zen keshü gü, a-le tsü thyü bin-o Jisu Khrista jon le keryü nyü thyü penshü nrün, ale tenyen tsentsü bin nyo.

Tsüntimvule hagun no ketsin thakesha gü lo kegwa keshvu sha kekholo kehü lo keso nyu min kethünlo nrün genyu, ale hagun genyu hibin hü nyo. Tson-o hagun no thakegwa tsingü kejülo-o Khrista jon le keryü nyü nshün lo mumvu bin loti.

Kechamvule awe rhünhü-e Khrista genyu, lo sila-e a genyu kechwi.

Ale hagun rüchün kelo tsenyü Sunggigü shwen bin hünyo.

Hagun le Khrista jolokegwa temi thyülo kekünyu thyüo hagun npvü hagun temi zen yhunlo nye; tson-o ale hagun zen kehyu-e nmvue, jolokegwa ketenyen tenyu hagun kapue no kerhün pe nme thyüo kengü hagun yhen thyü kehü ano hagun rüla shalo lo asherhün ti.

Ale si-e rhün-e lihi thyüe kejola loho, lo ale peche sao, nduka hontse ntsoka-e aphu hi genyu Khrista no zan kechwi thyü ti, ale tsütenyen-o nnyü kehü gü tsügü tsüle a-npvü thyü pen shüti.

Tsüle hagun no Khrista tenyenlo nrün genyu ntimvule, a-genyue kenjün thyü sinlo nrün genyu.