Popular Bible Verses from TSIPWESWÜ 22

Share

Tsontsin Npugü le jo zolo kegwa kekvu pe gada gü tsü shüo tsügü le Balaam ka zoshü, “Ale nge nyuthyü shüo? Nle hi gwenshen ge avü bin la sela?”

Tsüselo Npugü le Balaam no tsangge lokethyü gü le a-jenthon sen-o tsüka so kebin hyulo; tsontsin Balaam le chetsü gü kazü nyu nkhünrün tinla.

Tsangge jolo gü le Balaam ka, “Nle nyuthyüo hi gwünshen ge ngada vü la? Nle kenjwen higü thyü zümvu kethyü genyu ale ntson khin titse ryüle.

Gada le a-jokenishü, “ale nle nkeyhunthen dun kehü ngada tsü mvu ole? Ale himhundyü nge hihontse hü ole?” A-le a-jokenio, “Nmvule.”

Balaam le a-jo kenishü, “Nle a nchün ndyü keshü genyu! Ale jenthon sen kehü we ndushvu la nrün.”

Gada le tsangge lokethyü gü hyu shüo jü tsüla. Balaam le anyuntao a-thün pe Gada gü vüso.