Popular Bible Verses from MATHI 24

Share

Lo tha gwakemvu chonri kela genyu temi kechon le keso mvu pe kuntsen tsela ti. Tson-e temi ligü higüe nyhen gungü ti kelo nyu le kenikelo hyu loti.

Lo temi aphu mhundyü ka zan zoshwi keshü nme thyüshü titse kethyü genyu kazü aphu ka raja jolo kegwa hi zope me senthyü tishü ti; tson-o tsüsiki nyu kekhin tsingü le ryü ti.

Tsüntimvule hagun le teri kega kebin rüla zo swü kebin shalo ti, tsüka hagun nyun keyhun kerun mvu bin kelo rüchün lo nye; kechamvule le tha hidan hithyü mvu loho kethyü genyu, ai tsü le kekhin gü mvuzun.

Tsükitsü temi dan mele dan kecha gü shwi rüchün, lo raja nme le raja nme shwi rüchün tse ti; lo lika hika chenda thyü lo kazü nnu tse gunryü ti. Ai tha tsü aphu kenjün kethyü kerigü nti zun.

Tsang lo kazü le ndila ti, ai ajo we ndila loho.

Kechamvule temi kechon le azan sen ryüo, ‘Ale Khrista gü le,’ tson-o temi kechon sa zen tinla nrün genyu.

“Tsükitsü me le hagun ten pe kenjün kethyü nyu shüti, tson-o hagun dushvu ti; lo Azan genyu temi aphu no hagun ntsü ti. Lo temi kechon le che lati, lo khinyunyu ten pe me tsü ti, lo khinyunyu ntsü ti. Tsüntimvule sidyükesha kenku kechon le soryüo temi kechon sa sen tinla ti.

Tsontsin Jisu le anyugun ka, “Hagun me no hagun sala mvu nrün genyu petsü bin lo nye.

Tsügenyu hagun ko ndo sa binlo nye; kechamvule hagun le shamvukebin tegikevü jagü ka Temi Nyugü le ryüla nrün genyu.

“Tsügenyu khwen binlo nye, kechamvule hagun le Npugü le dinyü ryüti yo sha kemvu genyu.

“Ai jon tsünyü lo tegikevü ja tsünyü rüla Apvü nti a-me temi nme-e, tsangge lokethyünyu ju, nmvue Nyugüe shamvu.

Kechamvule Khrista kenku, lo sidyükesha kenku le soryüo thazansü lo ndun kethyü tho ju thyü pe me hiti; tson-o thyülo kegwa we kejükelonyue sa zen tinla nrün genyu.

Lo Noa keyhun ka hontse Temi Nyugü keryüe tsühontse ti. Lo tsükatsü zü le chon soryü kemvuthen lo Noa le run nyu yülo kemvuthen me le tyütsü, kalu, lo tenulo tse bin-o ti. Tson-o zü le chon soryüo anyugun aphu kenyon pvü tinla kemvuthen we shabin mvu; Temi Nyugü keryü ko tsühontse ti.