Popular Bible Verses from MATHI 23

Share

Lo hagun dan nyu kedagü no hagun lokethyü gü thyü ti.

Lo temi ligü higüe a-npvü a-thyü pe gon kehü gü thyü pe shen lati; ai temi ligühigüe a-npvü a-thyü pe shen kehügü thyü pe gon shüti.

“Lesü keshatsin nyu ju, lo Farisinyu ju, hagun kerokon kehü dan, hagun we chi, thyülo tiso! Kechamvule hagun le nyeju lo rivü lo sahü tse jüntseryü thyüo jünme khishü hünyo; ai tejvü nyu we tsüdan nyeki jo keda ju, njü, tsentsü, shwikenjün, lo ketenyen khe kü laso. Ai hagun le hidan-e thyülo zenlo zü, lo lidan-e khela zümvu.

“Lesü keshatsin nyu lo Farisinyu dan, hagun kerokon kehünyu ju, hagun we chi, thyülo tiso! Kechamvule khun lo honpen a-soki we sü nshünla hünyo, ai a-nyuki we me kesükedün ketyü lo tha tyütsü kenyü tse pe süpvü kehü genyu.

“Hire, sidyükeshanyu dushvu kehü lo me nipe nka keshünyu tso pe jonshvu kehü, Jerusalem, Jerusalem! Tero tsü le a-nyu khokequen pe a-sekin hensin nyu shülo kehü hontse, ale gwün dije ge ditsülaki n nyenyu ju ko kequenlo nyü sola? Ai hagun npvü nmvu laso.

Tsühontse hagun ko tegwen ki temi yhühyu ka we hyu pe nshün, ai a-nyu ki kerokon kethyü lo tha gwakemvu no hagun süpvü hünyo.