Popular Bible Verses from MATHI 19

Share

Tsontsin Jisu le anyugun nrio anyugun ka, “Temi we thyülo nrün ndi; ai Sunggigü we tha aphu thyülo gwa.”

Tson-o au le kenyhun mvule nme thyü laso. Tsügenyu Sunggigü le thyü kerhün keshü gü, temi no gwünrho nyalo.”

Tsontsin a-le, “Sokeri kanyu temi thyükeshü gü tsüle pechenyu lo tenunyu au thyüshü. ‘Higenyu temi le a-pvü a-jvünyu khela njüo a-nunyu zen kengü tinla ti, lo au le nme thyü tinla ti,’ tsonkethyü hagun le swü mvu ole?

Ai Jisu le anyugun ka, “Ntsenyu ju khinyao anyugun no aki ryülo; anyugun khinyalo; kechamvule tsangge raja phen le anyugun hon genyu.”

Ai rikehünyu kechon le khin lati, lo khinkehünyu kechon le rila ti.

Tsükatsü temi ligü higüe azan genyu a-ka, lo a-tsa sikezen nyu, a-lüginyu, a-pepvünyu, lo anyenyu lo a-kazü khekelanyu tsü jüntsi hyulo ti, lo tsüntimvule kethonthen kerhün-e hyulo ti.

Jisu le a-ka, “Nle gwa tilo nyülo, gungü nhon kebin aphu jwen lo-o khipe tha kendinyu tsüla nye; tsonla lo tsangge nhon nnyalo ti; tson-o ryüo asithenlo re.”

Lo a-le tsügü ka, “Nle nyuthyüo kegwagü rüla ketso hü nla? Kegwagü le nme nti; ai nle kerhün nyu yülo nyülo, johokeshü dan zenlo nye.”

Tsüntimvule ale hagun ka zo tsentsü shüti, kenyanyu le Sunggigü Raja bin nyu keyü we mvu le ut nme no chwen küka nna kela we nne kvu ti.”

Tsüntimvule ale hagun ka zo tsentsü shüti le, temi ligü higüe keyüla genyu kemvu we a-nunyu khela njüo kecha lo yatselo a-le keyüla laso.”

Tsontsin Jisu le senthyükelo ju ka, “Ale hagun ka zo tsentsü shüti, kenyanyu le tsangge keda nyu yüti tsekethyü le rüsa le.