Popular Bible Verses from JAMES 4

Share

Tsügenyu hagun Sunggigü jo zenlo, lo tero gwakemvu gü nrenlo, tsonlo yatselo a-le tin-o hagun nrhi lati.

Hagun Sunggigü kho nni gunlo; lo a-ko hagun kho nni ryü loti. Kemu nyu dan, hagun ben thyü nshün lo, lo kenyun hvu kehü dan hagun nyun thyü nshün lo.

Npugü mhundyü nyu hagun npvü hagun thyü ketsenyo lo, tsonlo yatselo a-le hagun thyü nso shü ti.

Ai a-le shwikenjün khichon kvu shü hünyo, tsügenyu ketsinlesü nyu, “Sunggigü le ketekho kehünyu ntsun hünyu, ai shwikenjün khipe tsenyon kehünyu tsü hünyo,” tsonkethyü zohü.

Tsügenyu temi ligühigüe tha kegwa thyü kezü sha bin-o thyü hü kemvunyu tsünyule mu le.

Lo hagun le hi hü-e hyulo hümvu, kechamvule hagun le sen-o hagun kenyü yhüdyü thyü titse hizü kemvu dan hi kehü genyu.

Ntsen serikemvu temi dan, kazü gü zen-o kepvüshen kethyü le Sunggigü shwikerüchün letse kethyü hagun le shamvu ole? Tsügenyu temi ligühigüe kazü gü zen-o kepvüshen kenyü nyu le Sunggigü shwinyü kemvu nyu thyüla hünyo.

Ai senduki nyu tsethyü tiyo hagun le tsü we sha hümvu. Hagun keyhun hile nyu la? Hagun keyhun le tha kekhu keshanyu ka chwiryüo hyu mvu nila kehü dan me hontse le.