Popular Bible Verses from JAMES 3

Share

Ai tesoge keryü thakesha gü we keri gü le nshün, lo tsüsika kengü kegwa, njvükegwa, kejozen kene, me shwinjün sa kethyü, nsha kegwa, pehanyu so kecha thyü kemvu lo kerokon kemvu.

Hagun dan nyu segü le thasha lo a-do gwa bin nla? A-no a-thakesha genyu ketekho mvuo yhun njü kehü a-tho nyu tsin shülo.

Lo kengü kegwa tho thyü kehünyu le kengügwa-o gwünkeshü tsi gü tsü genyu kentsen gvülo hünyo.

Kechamvule dika me shwi pe nyhükethyü lo n npvü njün kegwa kefü le bin yo tha gwakemvu kethyü shaseni tsünyu bin kehü genyu.

Nle tsü sen-o Npvü Sunggigü shwe hünyo, lo nle tsü sen-o Sunggigü rhenrhü hontse thyükeshü temi tsüe swetsü hünyo. Mün nme nyu keshwe lo me sweketsüe chwiryü hünyo. Apvünyu ju, hihontse hü zümvu le.

Lo n-yi hile mah nme; nmin ge zanketho kechacha kethyü dan nyu n-yi hile serikemvu kazü nme; tsüle nmin aphu thyü nrhula hünyo, lo n-yi le mahzi nyu mah lope n keyhun jvü aphu roshvu la hünyo.

Ai temi nme-e a-yi we kekhenilo shwi mvu; tsüle gwamvu pe sun binlo hü mvu lo kesi terün lope süpvü bin hünyo.

Apvünyu ju, hagun dan nyu temi kechon no me senkethyü nyu thyü soryü nyalo, kechamvule ngun me senthyü kehünyu ketso petsü kvu nrün genyu.