Popular Bible Verses from CHWEKETIN 10

Share

Tson-o Npugü le Mosa ka, “Gü raja gü teno shülo. Ale anyugun dan nyu nduntho hidan thyüshü nrün genyu raja gü lo a-hensin kedanyu dan nyu thyüpe rüla so, lo hagun no ale ndun tho hidan thyüo Ijipt nyu dan thyü kelu keshü rüla pe hagun nyenyu lo hagun nyenyu ju nyenyu ka zoshülo nrün genyu. Hagun aphu ale Npugü letse shaloti.”

Npugü le Mosa ka, “Nbenshwe pe tsang denzin shülo, kezün nme no Ijipt kazü henlo la nrün genyu.” Mosa le a-ben shwen pe tsang denzin shü laryü Ijipt kazü aphu nyu jonshen züntin tsela. Ijipt nyu le khinyunyu kehyu mvula, tsügwen kho ka temi nme a-ka nken mvula. Ai Israel nyu le kehübin ki we keben le bin.

Tson-o Mosa le a-thün penso shü, lo Npugü le npho kipon tsangkenbu nme no tsünyü jongwen lo tsüje khensin kazü gü nyu nbu shü. Lonyü gü tsekhvu when senryü shü. Anyugun le a-dan thyü ryüo Ijipt kazü apentha nyu bin lola. Tsüle chon pe himhundyü hyuhü kemvu lo hisiki-e hyuni kemvui thyüla.